Ronaldo frumsýnir nýja treyju Portúgal

Nú fara flest liðin sem verða á HM í Rússlandi að verða búin að afhjúpa búningana sem þau munu klæðast í lokakeppninni. Þúsundir fylgdust með þegar KSÍ og Errea afhjúpuðu íslensku treyjuna í síðustu viku.

Nýjasta frumsýningin er frá liði Portúgal, en þeir settu myndir af nýja búningnum sínum á Twitter seint í gærkvöldi.

Stórstjarnan og fyrirliðinn Cristiano Ronaldo var að sjálfsögðu fenginn í fyrirsætustörfin og er hann á nokkuð kunnulegum slóðum í frekar einfaldri rauðri treyjunni.

Com quinas ao peito, rumo ao Mundial! #ConquistaOSonho

Looking even better on our Road to Russia. #ConquerYourDreampic.twitter.com/RXA4oCvJpm

— Portugal (@selecaoportugal) March 19, 2018

Þrátt fyrir einfaldleikann er treyjan samt sem áður nokkuð glæsileg, frekar nýtískuleg í hönnun og eru smáatriði eins og Nike merkið og númer leikmanna gulllituð til heiðurs Evrópumeistaratitli Portúgals frá því í Frakklandi fyrir tveimur árum.

Varatreyja Portúgal er hvít að vanda en eru smáar, grænar stjörnur eða krossar yfir allri treyjunni og er hún einnig mjög einföld en glæsileg.