Edda Björgvinsdóttir var rétt í þessu útnefnd borgarlistamaður Reykjavíkur árið 2018 við hátíðlega athöfn í Höfða. RÚV greinir frá því.
Edda Björgvinsdóttir er fædd í Reykjavík árið 1952. Hún útskrifaðist úr Leiklistarskóla Íslands árið 1978.
Edda er ein ástsælasta leikkona þjóðarinnar og hefur nýlega hlotið mikið lof landsmanna fyrir frammistöðu sína í dramatísku bíómyndinni „Undir Trénu.“
Útnefning borgarlistamanns er heiðursviðurkenning handa reykvískum listamanni sem með listsköpun sinni hefur skarað fram úr og markað sérstök spor í íslensku listalífi. Menningar- og ferðamálaráð útnefnir borgarlistamann þann 17. júní ár hvert.
Einnig var Edda sæmd fálkaorðu í dag við hátíðlega athöfn á Bessastöðum.
Hér er hægt að sjá borgarlistamenn fyrri ára.
Edda Björgvins borgarlistarmaður 2018

Tengdar fréttir

Edda Björgvins greinir líkamstjáningu formannanna: „Þetta er alls ekki dónalega meint“
Edda Björgvinsdóttir leikkona skoðaði líkamstjáningu formannanna sem prýddu forsíðu helgarblaðsins.

Undir trénu aðsóknarmesta kvikmyndin á Íslandi
18.000 manns hafa séð kvikmyndina Undir trénu sem hefur fengið lofsamlegar viðtökur bæði gagnrýnenda og áhorfenda.

Eddu langar að leika fleiri viðbjóðslegar konur
Ein allra vinsælasta leikkona okkar Íslendinga, Edda Björgvinsdóttir, hefur nánast gert allt í sjónvarpi og á sviði.

Undir trénu verður framlag Íslands til Óskarsverðlaunanna
Kvikmyndin Undir trénu í leikstjórn Hafsteins Gunnars Sigurðssonar verður framlag Íslands til Óskarsverðlaunanna 2018.