Jennifer Garner greip inn í: Ben Affleck aftur í áfengismeðferð

Bandaríska leikkonan Jennifer Garner fannst nóg um þegar hún sá mynd af barnsföður sínum og fyrrverandi eiginmanni, leikaranum Ben Affleck, með fangið fullt af bjór og brennivíni. Hún tók til sinna ráða og fékk vini og fjölskyldu til að gera Affleck það ljóst að hann ætti við alvarlegt vandamál að stríða.

Í gær fylgdi Garner sínum fyrrverandi eiginmanni á meðferðarstofnun í Los Angeles þar sem hann mun dvelja í að minnsta kosti mánuð. Heimildir fréttamiðilsins TMZ herma að Garner hafi ekki þurft að sannfæra Affleck því hann hefði verið meðvitaður um að ástandið væri orðið alvarlegt. Hann hafi sjálfur viljað ná bata.

Affleck hefur í gegnum tíðina talað mjög opinskátt um áfengisvandann en eftir að hann útskrifaðist af meðferðarstofnun í fyrra sagðist hann þrá ekkert heitar en að vera börnum sínum góðu faðir.

Saman eiga Garner og Affleck þrjú börn.