Alfreð skoraði þrennu í endurkomunni

Alfreð Finnbogason gerði sér lítið fyrir og skoraði þrennu fyrir Augsburg í 4-1 sigri á Freiburg í þýsku úrvalsdeildinni í kvöld.

Alfreð var kominn í byrjunarliðið í fyrsta skipti á tímabilinu en hann hefur verið að glíma við meiðsli eftir HM síðasta sumar.

Caiuby kom Augsburg yfir á nítjándu mínútu og fimmtán mínútum skoraði Alfreð með laglegri hælspyrnu eftir fyrirgjöf.

Aftur var Alfreð á ferðinni á 68. mínútu er hann skoraði af vítapunktinum og hann fullkomnaði þrennuna sjö mínútum fyrir leikslok.

4-1 sigur Augsburg, þrjú mörk frá Alfreð og Augsburg er með átta stig í áttunda sæti deildarinar.