Ekkert aprílgabb á Brúnni 3. apríl 2018 05:30 Dele Alli fagnar fyrir framan stuðningsmenn Chelsea. vísir/getty Tottenham bar sigurorð af Chelsea, 1-3, á Stamford Bridge á sunnudaginn var. Þrátt fyrir að leikinn hafi borið upp á 1. apríl voru úrslitin ekkert aprílgabb. Nei, þetta var fyrsti sigur Tottenham á Brúnni síðan 10. febrúar 1990, eða fyrir 28 árum. Fyrir leikinn á sunnudaginn hafði Tottenham ekki unnið Chelsea á Stamford Bridge í 27 deildarleikjum og 30 leikjum í heildina. Daginn eftir sigur Tottenham á Chelsea fyrir 28 árum var Nelson Mandela sleppt úr fangelsi, Margaret Thatcher var enn forsætisráðherra Bretlands og Sinead O’Connor vermdi efsta sæti topplistans með laginu Nothing Compares 2 U. Árið 1990 voru enn sex ár þangað til Dele Alli, sem skoraði tvö marka Tottenham í leiknum á sunnudaginn, fæddist. Gary Lineker og Paul Gascoigne voru aðalmennirnir í liði Tottenham og sá fyrrnefndi skoraði sigurmarkið í leiknum fyrir 28 árum. Og í liði Chelsea var leikmaður að nafni Kevin McAllister. Strákur með nánast sama nafn var aðalsöguhetjan í vinsælli kvikmynd sem kom út síðar á árinu 1990. Þar varði hann heimili sitt fimlega fyrir seinheppnum innbrotsþjófum. Burtséð frá sögulega samhenginu var sigurinn á sunnudaginn gríðarlega mikilvægur fyrir Tottenham í baráttunni um sæti í Meistaradeild Evrópu á næsta tímabili. Spurs, sem situr í 4. sætinu, er nú með átta stiga forskot á Chelsea þegar aðeins sjö umferðir eru eftir. Þetta var fimmta tap Chelsea í síðustu sjö deildarleikjum. Til samanburðar tapaði liðið fimm leikjum í ensku úrvalsdeildinni allt síðasta tímabil. Fallið er því ansi hátt og það bendir allt til þess að Chelsea missi aftur af Meistaradeildarsæti, tímabilið eftir að hafa orðið Englandsmeistari. Chelsea á enn möguleika á að vinna ensku bikarkeppnina en það mun líklegast ekki vera nóg til að bjarga starfi Antonios Conte. Svo er annað mál hvort Ítalinn vilji yfirhöfuð vera áfram hjá Chelsea. Hann virðist hafa verið ósáttur allt frá því síðasta tímabili lauk og það er margt ólíklegra en að hann taki aftur við ítalska landsliðinu. Þrátt fyrir allt var Chelsea ívið sterkara í fyrri hálfleik í leiknum á sunnudaginn og Álvaro Morata kom liðinu yfir eftir hálftíma með sínu ellefta deildarmarki. Sjö þeirra hefur hann skorað með kollspyrnum. En glæsimark Christians Eriksen í uppbótartíma fyrri hálfleiks breytti öllu. Spurs nýtti sér meðbyrinn og komst yfir á 62. mínútu þegar Alli fékk langa sendingu frá Eric Dier inn fyrir vörn Chelsea, tók vel við boltanum og setti hann fram hjá Willy Caballero sem stóð í marki Chelsea í stað Thibauts Courtois. Fjórum mínútum síðar skoraði Alli sitt annað mark og kom Tottenham í 1-3. Alli lék sinn 100. leik í ensku úrvalsdeildinni í fyrradag og hélt upp á áfangann með tveimur mörkum. Þetta er í fyrsta sinn síðan 4. janúar 2017 sem Alli skorar tvö mörk í deildarleik. Þá skoraði hann bæði mörk Tottenham í 2-0 sigri á Chelsea sem var þá búið að vinna 13 deildarleiki í röð. Alli hefur legið undir gagnrýni að undanförnu og var ekki í byrjunarliði Englands í vináttulandsleikjunum tveimur á dögunum. En Mauricio Pochettino, knattspyrnustjóri Tottenham, hefur staðið þétt við bakið á sínum manni. „Þetta hefur verið erfiður tími fyrir hann en það er ekki hægt að efast um hæfileika og karakter hans. Hann er baráttumaður með mikið keppnisskap," sagði Pochettino. „Hann er gríðarlega hæfileikaríkur og aðeins 21 árs gamall sem gleymist stundum. Oft eru væntingarnar til hans of miklar og pressan yfirþyrmandi. Birtist í Fréttablaðinu Enski boltinn Mest lesið „Þeir vilja náttúrulega fleiri leiki líka“ Körfubolti Leggur til bíl ef félagið ákveður að ræna Antony Fótbolti Segir sína menn þurfa að vera í „meistara ásigkomulagi“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Dagskráin í dag: Sextán beinar útsendingar Sport Mætir bróður sínum í úrslitum: „Staðfestur titill á okkar heimili“ Handbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Brynjar Karl svarar fyrir sig: „Ég má ekki verja mig opinberlega“ Körfubolti „Ég hef hluti að gera hér“ Körfubolti Fram á lífi eftir sigur gegn Haukum Handbolti Fleiri fréttir „Gætum ekki verið spenntari að koma aftur til Íslands“ Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Sjá meira
Tottenham bar sigurorð af Chelsea, 1-3, á Stamford Bridge á sunnudaginn var. Þrátt fyrir að leikinn hafi borið upp á 1. apríl voru úrslitin ekkert aprílgabb. Nei, þetta var fyrsti sigur Tottenham á Brúnni síðan 10. febrúar 1990, eða fyrir 28 árum. Fyrir leikinn á sunnudaginn hafði Tottenham ekki unnið Chelsea á Stamford Bridge í 27 deildarleikjum og 30 leikjum í heildina. Daginn eftir sigur Tottenham á Chelsea fyrir 28 árum var Nelson Mandela sleppt úr fangelsi, Margaret Thatcher var enn forsætisráðherra Bretlands og Sinead O’Connor vermdi efsta sæti topplistans með laginu Nothing Compares 2 U. Árið 1990 voru enn sex ár þangað til Dele Alli, sem skoraði tvö marka Tottenham í leiknum á sunnudaginn, fæddist. Gary Lineker og Paul Gascoigne voru aðalmennirnir í liði Tottenham og sá fyrrnefndi skoraði sigurmarkið í leiknum fyrir 28 árum. Og í liði Chelsea var leikmaður að nafni Kevin McAllister. Strákur með nánast sama nafn var aðalsöguhetjan í vinsælli kvikmynd sem kom út síðar á árinu 1990. Þar varði hann heimili sitt fimlega fyrir seinheppnum innbrotsþjófum. Burtséð frá sögulega samhenginu var sigurinn á sunnudaginn gríðarlega mikilvægur fyrir Tottenham í baráttunni um sæti í Meistaradeild Evrópu á næsta tímabili. Spurs, sem situr í 4. sætinu, er nú með átta stiga forskot á Chelsea þegar aðeins sjö umferðir eru eftir. Þetta var fimmta tap Chelsea í síðustu sjö deildarleikjum. Til samanburðar tapaði liðið fimm leikjum í ensku úrvalsdeildinni allt síðasta tímabil. Fallið er því ansi hátt og það bendir allt til þess að Chelsea missi aftur af Meistaradeildarsæti, tímabilið eftir að hafa orðið Englandsmeistari. Chelsea á enn möguleika á að vinna ensku bikarkeppnina en það mun líklegast ekki vera nóg til að bjarga starfi Antonios Conte. Svo er annað mál hvort Ítalinn vilji yfirhöfuð vera áfram hjá Chelsea. Hann virðist hafa verið ósáttur allt frá því síðasta tímabili lauk og það er margt ólíklegra en að hann taki aftur við ítalska landsliðinu. Þrátt fyrir allt var Chelsea ívið sterkara í fyrri hálfleik í leiknum á sunnudaginn og Álvaro Morata kom liðinu yfir eftir hálftíma með sínu ellefta deildarmarki. Sjö þeirra hefur hann skorað með kollspyrnum. En glæsimark Christians Eriksen í uppbótartíma fyrri hálfleiks breytti öllu. Spurs nýtti sér meðbyrinn og komst yfir á 62. mínútu þegar Alli fékk langa sendingu frá Eric Dier inn fyrir vörn Chelsea, tók vel við boltanum og setti hann fram hjá Willy Caballero sem stóð í marki Chelsea í stað Thibauts Courtois. Fjórum mínútum síðar skoraði Alli sitt annað mark og kom Tottenham í 1-3. Alli lék sinn 100. leik í ensku úrvalsdeildinni í fyrradag og hélt upp á áfangann með tveimur mörkum. Þetta er í fyrsta sinn síðan 4. janúar 2017 sem Alli skorar tvö mörk í deildarleik. Þá skoraði hann bæði mörk Tottenham í 2-0 sigri á Chelsea sem var þá búið að vinna 13 deildarleiki í röð. Alli hefur legið undir gagnrýni að undanförnu og var ekki í byrjunarliði Englands í vináttulandsleikjunum tveimur á dögunum. En Mauricio Pochettino, knattspyrnustjóri Tottenham, hefur staðið þétt við bakið á sínum manni. „Þetta hefur verið erfiður tími fyrir hann en það er ekki hægt að efast um hæfileika og karakter hans. Hann er baráttumaður með mikið keppnisskap," sagði Pochettino. „Hann er gríðarlega hæfileikaríkur og aðeins 21 árs gamall sem gleymist stundum. Oft eru væntingarnar til hans of miklar og pressan yfirþyrmandi.
Birtist í Fréttablaðinu Enski boltinn Mest lesið „Þeir vilja náttúrulega fleiri leiki líka“ Körfubolti Leggur til bíl ef félagið ákveður að ræna Antony Fótbolti Segir sína menn þurfa að vera í „meistara ásigkomulagi“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Dagskráin í dag: Sextán beinar útsendingar Sport Mætir bróður sínum í úrslitum: „Staðfestur titill á okkar heimili“ Handbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Brynjar Karl svarar fyrir sig: „Ég má ekki verja mig opinberlega“ Körfubolti „Ég hef hluti að gera hér“ Körfubolti Fram á lífi eftir sigur gegn Haukum Handbolti Fleiri fréttir „Gætum ekki verið spenntari að koma aftur til Íslands“ Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Sjá meira
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti