Stjörnuspá Siggu Kling – Krabbinn: Átt eftir að losna við allt hatur

Elsku Krabbinn minn, þú ert verndaður í bak og fyrir og þér verður svo sannarlega forðað frá öllum hörmungum. Það hefur verið mikil fart á þér í sumar, svo mundu að hvíla þig reglubundið því þegar þú sefur þá endurnýjarðu orkuna þína, frumurnar og heilabúið og verður eins og ný manneskja.

Þú ert á þekkingarnámskeiði til þess að læra meira og skilja fleiri og það er svo merkilegt að þegar þú skilur fólk betur í kringum þig, þá fyrst skilurðu sjálfan þig. Þú átt eftir að losna við allt hatur því ást og elska er að hreinsa þig, og þar af leiðandi áttu eftir að treysta öðrum svo miklu betur en áður og hætta alveg að vera hræddur. Þú átt það til að fara inn í draumaheima og þar færðu hugmyndir, en draumaheimar eru þegar maður dettur út og fer að hugsa skrýtna hluti.

Ég var hér að ofan að tala um þú ættir að hvíla þig meira, því þig á eftir að dreyma sterkt fyrir því sem er að nálgast þig, svo hafðu alltaf blað og penna við rúmið þitt og skrifaðu stikkorð úr draumunum sem þú færð. Áður en þú ferð að sofa skaltu líka biðja um að fá drauma og að muna þá. Það er svo merkilegt að maður vaknar kannski um miðja nótt og man drauma svo skýrt, en morguninn eftir er hann gjörsamlega týndur og grafinn.

Það mun finnast lausn á svo mörgu í vetur og sérstaklega veikindum ef þau eru að hrjá þig eða þá sem næst þér standa, ástin sigrar allt og þú ert að fara í gegnum vissa hreinsun sem mun gefa þér ástina, betrumbæta heilsuna og þá finnurðu þá ánægju sem þú ert að leita eftir.

Knús og kossar, þín Sigga Kling

Frægir Krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari, Davíð hinn góði skóari í Hafnafirði, Stefán Árni Pálsson fréttamaður, Guðni Th. forseti Íslands, Friðbjörn Europartakóngur, Yesmine Olsen, höfundur og framleiðandi, George Michael, Kristófer Helgason, dagskrágerðamaður, Nuno Alexandre Bentin Servo veitingahúsakóngur, Helga Hafsteinsdóttir, hárgreiðsluséní á Akureyri, Íris Björk Tanya frumkvöðull og hönnuður, Liga Liepina hestaljósmyndari.