Aðalsteinn byrjar vel með Erlangen - Arnór Þór markahæstur

Aðalsteinn Eyjólfsson og Arnór Þór Gunnarsson voru í eldlínunni í þýsku úrvalsdeildinni í handbolta í dag.



Aðalsteinn og lærisveinar hans í Erlingen léku sinn fyrsta leik í úrvalsdeildinni í dag og mættu þeir Gummersbach.



Gummersbach var ekki mikil fyrirstaða fyrir Aðalstein og hans menn unnu örugglega 30-22



Arnór Þór var á sínum stað í liði Bergischer er þeir heimsóttu Hannover-Burgdorf.



Bergischer hafði unnið fyrsta leik sinn. Arnór átti góðan dag í dag, sérstaklega af vítalínunni en þar skoraði hann hvorki meira né minna en 8 mörk, úr 8 skotum!



Samtals skoraði Arnór 9 mörk í leiknum og var markahæstur allra leikmanna á vellinum. Það dugði hins vegar ekki til þar sem Hannover-Burgdorf vann leikinn 29-26.