Viðskipti innlent

Icelandair geti vaxið um allt að fjórðung

Hulda Hólmkelsdóttir skrifar
Ekkert varð af kaupum Icelandair á WOW air í nóvember síðastliðnum en segja má að óvissa hafi ríkt um framtíð WOW allt frá því í ágúst.
Ekkert varð af kaupum Icelandair á WOW air í nóvember síðastliðnum en segja má að óvissa hafi ríkt um framtíð WOW allt frá því í ágúst. VÍSIR/VILHELM
Ferðamálastjóri telur að önnur flugfélög muni auka starfsemi sína í kjölfar þess að Wow air hefur tilkynnt að það ætli að draga verulega saman. Forstjóri Icelandair segir að félagið geti vaxið um allt að fjórðung. 

WOW air tilkynnti í vikunni að félagið ætlaði að hverfa aftur til sama rekstrarmódels og var notað 2016 og fækka flugvélum úr tuttugu í ellefu. Það þýðir engar breiðþotur, færri flugvélar og færri áfangastaðir. Skarphéðinn Berg Steinarsson ferðamálastjóri segir líklegt að önnur flugfélög nýti tækifærið og auki hjá sér.

„Það eru ýmis merki um það að þó að WOW muni draga saman eitthvað og fara niður í það sem þau voru 2016 þá muni ýmsir aðrir auka vi sig. Það liggur fyrir að Icelandair muni auka við sig. Það er ekki ástæða til að, í mínum huga, að gera ráð fyrir samdrætti,“ segir Skarphéðinn.

 

 

Bogi Nils Bogason var áður starfandi forstjóri Icelandair Group.Stöð 2

Núverandi starfsmenn þoli vöxt

Bogi Nils Bogason forstjóri Icelandair segir að hægt sé að auka vöxt félagsins um allt að fjórðung.

„Eins og við sögðum á hluthafafundi í byrjun mánaðarins þá erum við að horfa á grunnvöxt á næsta ári upp á svona níu prósent. En myndum hugsanlega breyta því ef aðstæður myndu breytast í umhverfinu og nú erum við að sjá þær breytast. Með núverandi flota og núverandi starfsemi getum við aukið vöxtinn enn frekar um fjórtán prósent í viðbót,“ segir Bogi.

„Við erum ekki búin að taka neinar ákvarðanir. Við erum bara að greina stöðuna og hvar tækifærin liggja og munu taka ákvarðanir mjög fljótlega hvað þetta varðar. Við höfum sannarlega tækifæri til að vaxa frekar með núverandi flugflota og núverandi innviðum.“

Hann leggur áherslu á að núverandi starfsemi þoli slíkan vöxt og þetta þýði því ekki endilega fjölgun starfsfólks.

Þegar við vöxum erum við alltaf að bæta við en það verður engin gríðarleg fjölgun hér. Við höfum sivgrúm til að vaxa með núverandi innviðum, starfsfólki og þess háttar.

WOW air hefur þegar tilkynnt að hætt verði að fljúga til Nýju Dehli og Los Angeles. Bogi segir að Icelandair stefni á flug til Indlands haustið 2019.

Eins með Los Angeles. Við erum að fljúga til San Francisco og höfum ekki ákveðið hvort við bætum í þar heldur en það eru sannarlega tækifæri til staðar og við höfum allt til að vaxa frekar og grípa þessi tækifæri ef við teljum þau vera arðbær.


Tengdar fréttir

Ferðamönnum gæti fækkað um tíu til tólf prósent

Gangi áætlanir um fækkun flugvéla WOW air eftir gæti ferðamönnum á Íslandi fækkað um tíu til tólf prósent, ef ekkert annað kemur á móti. Indigo Partners mun fjárfesta í WOW air fyrir 9,4 milljarða króna ef skuldabréfaeigendur samþykkja að gefa eftir ýmis réttindi.

Ferðamönnum fækki og verðið hækki

Talið er að WOW air muni ferja um 30 prósent ferðamanna til landsins í ár. Hátt í helmingsminnkun flugflotans mun að öllum líkindum leiða til færri ferðamanna á næsta ári. Nema önnur flugfélög grípi boltann.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
3,51
8
12.443
ARION
3,14
50
1.071.334
KVIKA
2,7
31
455.882
ICESEA
2,41
5
28.358
REITIR
2,14
11
87.336

Mesta lækkun dagsins


Félag
Br.%
Fjöldi
Velta*
SYN
-0,98
5
16.057
LEQ
-0,53
1
1.531
SKEL
0
5
9.145
SJOVA
0
7
34.847
Velkomin á Vísi. Þessi vefur notar vafrakökur. Sjá nánar.