Viðskipti innlent

Íslendingar straujuðu kortin á netinu í nóvember

Kolbeinn Tumi Daðason skrifar
Verslun á netinu sækir á hefðbundnar verslanir.
Verslun á netinu sækir á hefðbundnar verslanir. Fréttablaðið/Eyþór
Í nóvembermánuði síðastliðnum jókst innlend kortavelta Íslendinga í netverslun um 15 prósent frá sama mánuði í fyrra. Velta innlendra greiðslukorta Íslendinga í verslun jókst um 5 prósent á sama tímabili. Svo segir í tilkynningu frá Rannsóknasetri verslunarinnar.



„Jólaverslun fer að töluverðum hluta fram í nóvember en með stórum verslunardögum að erlendri fyrirmynd færist jólaverslunin sífellt meira fram í þann mánuð. Hér er átt við hinn Bandarískættaða Svarta föstudag, kínverska dag einhleypra og netmánudaginn, en allir falla þessir dagar í nóvember,“ segir í tilkynningunni.



Verðbólga á tímabilinu, samkvæmt Hagstofu Íslands, mældist 3,3 prósent sem að einhverju leyti útskýrir hærri kortaveltu í verslun. Raunaukningin er samkvæmt því um 1,6 prósent.



Nokkuð dró úr kortaveltu Íslendinga í verslun á haustmánuðum og var samdráttur í októbermánuði til að mynda 4 prósent samanborið við október í fyrra en líkt og áður sagði var aukning í nóvember. Þetta kunni að benda til þess að neytendur haldi í auknu mæli í sér með jólainnkaupin fram að þessum stóru afsláttardögum.



„Nóvember er mikill netverslunarmánuður en kortavelta í innlendri netverslun Íslendinga var rúmlega 81 prósent meiri í nóvember síðastliðnum samanborið við október á undan.“




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,22
17
159.877
ARION
2,02
35
781.012
HAGA
1,9
10
214.319
REGINN
1,87
13
34.029
EIM
1,66
9
54.308

Mesta lækkun dagsins


Félag
Br.%
Fjöldi
Velta*
ICEAIR
-3,42
96
206.210
MAREL
-1,52
32
361.666
SKEL
-0,23
6
12.261
ORIGO
-0,14
4
4.850
ICESEA
-0,1
4
155.444
Velkomin á Vísi. Þessi vefur notar vafrakökur. Sjá nánar.