Viðskipti innlent

Vissara að lesa smáa letrið í H&M

Kolbeinn Tumi Daðason skrifar
Neytandi sem ætlar að kaupa sér einar buxur fær ekki 20% afslátt.
Neytandi sem ætlar að kaupa sér einar buxur fær ekki 20% afslátt. Vísir
Það hefur líklega ekki farið fram hjá mörgum að verslanir um allt land hafa auglýst tilboð í vikunni í aðdraganda dagsins í dag, „Svarts föstudags“. Tískuvöruverslunin H&M er þar hvergi undanskilin.

 Athygli vekur að verslunin auglýsir stórum stöfum 20% afslátt af öllum vörum á „Svörtum föstudegi“ á auglýsingaskiltum í verslunum sínum. Tilboðið er þó ekki alveg svo gott þegar smáa letrið er skoðað, sem er svo sannarlega smátt eins og sjá má á myndinni að ofan.

 Í smáu letri neðarlega á auglýsingaskiltinu stendur:

 „Gildir við kaup á 3 vörum eða fleiri. Tilboðið gildir föstudag og laugardag.“

 Því þurfa neytendur að kaupa að lágmarki þrjár vörur í versluninni til að fá 20% afslátt „af öllum vörum“.

 Vísir tekur við ábendingum er við koma neytendamálum á netfangið ritstjorn(hja)visir.is.

 

Það er ástæða fyrir því að smáa letrið heitir smáa letrið.Vísir
H&M Neytendur


Mest lesið


Fleiri fréttir

Sjá meira


×

Mest lesið