Búið að staðfesta tímasetningar á leikjum Íslands á HM í Þýskalandi

Heimsmeistaramótið í handbolta hefst þann 10.janúar næstkomandi en mótið verður haldið í Danmörku og Þýskalandi og lýkur með úrslitaleik í Herning þann 27.janúar.

Strákarnir okkar í íslenska landsliðinu verða á meðal þátttakenda en liðið er í sterkum B-riðli ásamt Spáni, Króatíu, Barein, Japan og Makedóníu.

Alþjóða handknattleikssambandið, IHF, hefur birt leikjadagskrá mótsins en íslenska liðið hefur leik föstudaginn 11.janúar. Allir leikir Íslands fara fram í Ólympíuhöllinni í Munchen.

Leikir Íslands á HM í Þýskalandi (að íslenskum tíma):

11.janúar Ísland-Króatía (17:00)

13.janúar Ísland-Spánn (18:00)

14.janúar Ísland-Barein (14:30)

16.janúar Ísland-Japan (14:30)

17.janúar Ísland-Makedónía (17:00)

Smelltu hér til að sjá leikjadagskrána í heild sinni.