Dagur Sigurðsson kominn á fast

Söngvarinn Dagur Sigurðsson og Elva Dögg Sigurðardóttir eru nýtt par en þau skráðu sig í samband á Facebook í dag.

Samkvæmt færslunni eru Dagur og Elva Dögg búin að vera saman síðan 1. nóvember síðastliðinn og má sambandið því teljast glænýtt.

Íslendingar kannast eflaust flestir við Dag úr Söngvakeppni Sjónvarpsins en hann hafnaði í öðru sæti í keppninni í ár með lag sitt Í stormi. Þá vann hann Söngkeppni framhaldsskólanna árið 2011 fyrir hönd Tækniskólans.

Elva Dögg er 26 ára og uppalin í Breiðholtinu. Hún er tveggja barna móðir og var lýst sem „of­ur­kon­u“ í viðtali við Smartland í fyrra. Elva Dögg stundar um þessar mundir nám við Háskóla Íslands, samkvæmt upplýsingum á Facebook-síðu hennar.