Lengsta biðin eftir sigri í 38 ár

Biðin eftir sigri hjá íslenska karlalandsliðinu í knattspyrnu lengist og lengist en liðið hefur nú ekki unnið í ellefu leikjum í röð.

Síðasti sigurleikur íslenska liðsins var þann 14. janúar er liðið vann 4-1 sigur á Indónesíu í vináttulandsleik ytra.

Síðasti mótssigurinn kom gegn Kósóvó, 2-0, þann 9. október í fyrra. Þá tryggði liðið sig inn á HM. Eftir það hefur gefið á bátinn.

Iceland are winless in 11 successive matches for the first time since a nation record 17 consecutive matches without a win from July 1977 to June 1980. #ISLSUI#NationsLeague

— Gracenote Live (@GracenoteLive) October 15, 2018

Íslenska karlalandsliðið hefur ekki beðið svona lengi eftir sigri síðan árið 1980 eða í 38 ár. Þá hafði íslenska liðið ekki unnið í 17 leikjum í röð eða frá júlí árið 1977. Sigur gegn Færeyjum batt enda á þá taphrinu.

Leikirnir ellefu:

Ísland - Sviss  1-2

Frakkland - Ísland  2-2

Ísland - Belgía  0-3

Sviss - Ísland  6-0

Ísland - Króatía  1-2

Nígería - Ísland  2-0

Argentína - Ísland  1-1

Ísland - Gana  1-1

Ísland - Noregur  2-3

Perú - Ísland  3-1

Mexíkó - Ísland  3-0