Fótbolti

Mayorga stígur fram: Ég öskraði á hann

Dagur Lárusson skrifar
Cristiano Ronaldo.
Cristiano Ronaldo. vísir/getty
Í fyrra var Cristiano Ronaldo sakaðir um nauðgun á Kathryn Mayorga í Las Vegas árið 2009 en Kathryn hefur nú komið fram til þess að lýsa atburðinum frekar.

 

Á föstudaginn kom Kathryn formlega  fram sem fórnarlamb hins meinta glæps og segir að Cristiano Ronaldo hafi nauðgað sér á Palms Place hótelinu í Las Vegas árið 2009 en hún hefur nú ákveðið að reyna að ógilda samning sem hún hefur með lögmönnum Ronaldo.

 

Þegar atburðinn á að hafa átt sér stað var Mayorga 25 ára gömul en hún segist hafa hitt Ronaldo á næturklúbbi í Las Vegas en hún lýsir atburðinum öllum í texta sem kom fram hjá þýska miðlinum Der Spiegel.

 

Þar lýsir hún því að hún hafi gefið Ronaldo númerið sitt og hringdi hann í hana seinna sama kvöld og bauð henni í íbúðina sína. Þar hafi hann boðið henni uppá sundföt og leytt hana á stað þar sem hún gat skipt um föt en þar hafi hann lagt til atlögu.

 

Í lýsingu hennar segir hún að hann hafi byrjað á því að kyssa hana en síðan tekið hana upp og sett hana á rúmið. Þar hafi hún ítrekað öskrað á hann og sagt honum að stoppa en það gerði hann ekki.

 

Mayorga lýsir síðan einnig samskiptum þeirra eftir á en þar segir hún að Ronaldo hafi sagt vera góður maður í 99% tilvika, hann viti bara ekki hvað gerist fyrir þetta 1%.

 

Mayorga segir að nauðgunin hafi haft alvarleg áhrif á líf hennar.

 

„Ég hef brotnað niður heldur alvarlega mjög oft eftir þetta. Ég kenni honum um þetta, ekki mér, en ég hefði þó ekki átt að skrifa undir þennan samning.”

 

Þetta er ekki í fyrsta sinn sem Ronaldo er ákærður fyrir nauðgun en árið 2005 var hann ákærður fyrir nauðgun á konu á hóteli í London en það mál var lagt niður að lokum.

 

Fótbolti

Mest lesið


Fleiri fréttir

Sjá meira


×

Mest lesið