Lentu vélmennum á smástirni

Japanska geimferðastofnunin JAXA, tilkynnti í dag að vélmenni þeirra hafi lent á smástirninu Ryugu. Þar munu þau safna sýnum og bera þau að lokum aftur heim til jarðar.

Vélmennin eru hluti af verkefni JAXA sem ber nafnið Hayabusa2. Japönsk stjórnvöld veittu JAXA fjármagn fyrir verkefninu 2010 og var Hayabusa-2 skotið á loft 3. desember árið 2014. Þremur og hálfu ári seinna komst farið loks á leiðarenda og hefur verið á sporbaug við smástirnið 162173 Ryugu síðan  27. júní.

Síðasta föstudag var tveimur vélmennum skotið út úr flauginni og stefndu að yfirborði smástirnisins.

BBC greinir frá því að þetta sé í fyrsta sinn sem tekst að lenda vélmenni á smástirni á ferð. Vélmennin munu vera staðsett á smástirninu þar til í desember 2019. Þá er áætlað að heimför hefjist.

Áætlað er að Hayabusa lendi á jörðu í Woomera í Ástralíu í desember 2020.