Óðinn skoraði þrjú í dönsku úrvalsdeildinni

Hornamaðurinn knái, Óðinn Þór Ríkharðsson skoraði þrjú mörk fyrir GOG í sigri á Mors, 30-25 í dönsku úrvalsdeildinni í handbolta í dag.



Óðinn er á sínu fyrsta tímabili með GOG en hann gekk til liðs við félagið í vetur frá FH.



GOG er eitt sterkasta lið Danmerkur og hefur það farið vel af stað í dönsku úrvalsdeildinni í vetur og unnið tvo fyrstu leiki sína.



GOG vann lið Ringsted í fyrstu umferð og skoraði Óðinn þá fimm mörk.



Hann fer því vel af stað í dönsku úrvalsdeildinni.