Erlent

Pussy Riot-liðar handteknir strax aftur

Kjartan Kjartansson skrifar
Pussy Riot lét til sín taka í miðjum úrslitaleik Frakka og Króata á HM fyrr í mánuðinum.
Pussy Riot lét til sín taka í miðjum úrslitaleik Frakka og Króata á HM fyrr í mánuðinum. Vísir/Getty

Fjórir meðlimir rússneska aðgerðahópsins Pussy Riot segjast hafa verið handteknir um leið og þeim var sleppt úr fangelsi í dag. Þrjár konur og einn karlmaður voru handtekin fyrir að hlaupa inn á völlinn í úrslitaleik heimsmeistaramótsins í knattspyrnu fyrr í þessum mánuði.

Þau Pjotr Verzilov, Nika Nikulsjína, Olga Kúratsjova og Olga Pakhtúsjova voru fangelsuð fyrir uppátækið. Rússnesk yfirvöld sökuðu þau um að hafa brotið reglur fyrir áhorfendur á íþróttaviðburðum og um að hafa klæðst lögreglubúningum ólöglega.

Hópurinn sagðist mótmæla mannréttindabrotum í Rússlandi með gjörningnum. Þeim hefur verið bannað að mæta á íþróttaviðburð í þrjú ár.

Breska ríkisútvarpið BBC segir óljóst hvers vegna fjórmenningarnir voru aftur hnepptir í varðhald í dag. Verzilov tísti í dag að þau hafi verið tekin höndum þegar þau ætluðu að yfirgefa fangelsið. Þau hafi ekki verið ákærð fyrir frekari brot.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.