Tiger farinn að banka á dyrnar Kristinn Páll Teitsson skrifar 24. júlí 2018 09:00 Fylgdist golfheimurinn af áhuga með hverju höggi Tigers á lokahringnum í Skotlandi um helgina. vísir/getty Einn besti kylfingur allra tíma, Tiger Woods, var með eins höggs forskot þegar hann hóf seinni níu holurnar á Opna breska meistaramótinu um helgina. Endaði hann á að deila sjötta sæti. Þrátt fyrir að hafa fatast flugið á lokasprettinum um helgina þegar hann fékk skramba og skolla lék hann á köflum frábært golf. Endurspeglaðist það best á þriðja hring þegar hann kom í hús á fimm höggum undir pari með sex fugla og einn skolla en á lokasprettinum mistókst honum að landa risatitlinum. Sjötta sætið er besti árangur hans á risamóti í fimm ár og sýndi að hann er tilbúinn að gera atlögu á hvaða móti sem er héðan í frá.Enn með mesta aðdráttaraflið Francesco Molinari sem var með Tiger í ráshóp fann eflaust spennuna byggjast upp á Carnoustie-vellinum á lokadeginum. Hann vann að lokum mótið á átta höggum undir pari og varð um leið fyrsti ítalski kylfingurinn sem vinnur risamót í golfi. Er þetta annað mótið sem hann vinnur á síðustu þremur vikum. Lengist því biðin eftir fimmtánda risatitlinum hjá Tiger og fyrsta sigrinum á golfmóti í langan tíma. Er hann búinn að öðlast þátttökurétt á WGC Bridgestone eftir níu daga en þar vann hann einmitt síðasta golfmót sitt fyrir fimm árum. Þrátt fyrir það er enn gífurlegur áhugi á spilamennsku Tigers hvar sem hann er. Vonast aðdáendur hans til þess að hann nái fyrri styrk og fari að vinna golfmót á ný. Eftir aldamót hafa aðeins tvívegis fleiri fylgst með lokahring Opna breska meistaramótsins frá Bandaríkjunum, árin 2000 og 2006 þegar Tiger vann tvo af þremur titlum sínum á Opna breska. Með góðum árangri sínum um helgina komst hann í 50. sæti á heimslistanum í golfi. Er hann á hraðferð upp listann eftir að hafa byrjað árið í 656. sæti en hann á enn langt í land með að ná efstu kylfingunum.Bakmeiðslin virðast úr sögunni Í nóvember verða komin níu ár síðan upp komst að Tiger hélt fram hjá þáverandi eiginkonu sinni, Elin Nordgren. Kylfingurinn sem virtist ósnertanlegur og stefndi hraðbyri að meti Jacks Nicklaus yfir flesta risamótstitla í golfi vann ekki mót í tvö og hálft ár. Hann virtist ætla að ná fyrri styrk á ný árið 2012 og 2013 en þá tóku erfið bakmeiðsli sig upp sem ógnuðu ferlinum. Tók hann aðeins þátt í nítján mótum á næstu fjórum árum og eyddi stærstum hluta ársins í endurhæfingu. Eftir fjórar skurðaðgerðir á baki náðist loksins árangur og gat hann farið að spila á góðgerðarmótum í lok síðasta árs. Mætti hann aftur á PGA-mótaröðina í byrjun árs og hefur alls tekið þátt í tólf mótum, þar af risamótunum þremur. Er það sambærilegur fjöldi og hann var með á þessum tímapunkti sumarsins á hápunkti ferilsins. Hefur hann aðeins misst tvisvar af niðurskurði á þessum tólf mótum en um helgina var hann meðal tíu efstu í fjórða skiptið. Besti árangur hans er enn annað sætið sem hann tók á Valspar-meistaramótinu en ef hann heldur áfram á þessari braut er ekki langt þar til hann fagnar sigri á golfmóti á ný. Golf Mest lesið Fengið nóg af því að vera ruslakista fyrir viðbjóð frá fólki Körfubolti Uppgjör: Grindavík - Keflavík 102-94 | Gulir unnu fyrsta bardagann Körfubolti Guy Smit sendir frá sér afsökunarbeiðni Íslenski boltinn Einvígið galopið eftir jafntefli í Þýskalandi Fótbolti Syrgir fimmtán mánaða son sinn Sport „Real Madrid lofaði mér að ég yrði arftaki Modric“ Fótbolti „Mo Salah sá sem að gekk of langt“ Enski boltinn Hundfúll og ýtti ungum KR-krökkum frá sér: „Ekki fallegt að sjá“ Íslenski boltinn Uppgjörið: Valur - ÍBV 30-22 | Valskonur mættu með sópinn gegn ÍBV Handbolti Martin meiddist og á leið upp á sjúkrahús Körfubolti Fleiri fréttir Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Líklegastur til að vinna en vill frekar vera viðstaddur fæðinguna McIlroy upp með sér vegna orða Tigers Bernard Langer frestar kveðjustundinni á Masters um eitt ár Ofurtölvan hefur litla trú á Rory McIlroy á Mastersmótinu Neitar að gefast upp en bætir líklega ekki við glæsta ferilskrá Tiger setur met ef hann nær niðurskurðinum á Masters Tiger skrúfar fyrir allt kynlíf Fékk aðstoð frá fyrrum þjálfara Tigers en besta ráðið kom frá dótturinni Tiger Woods verður meðal kylfinga á Masters Sjáðu höggin í mögnuðum sigri Scheffler: „Fengi kinnhest frá konunni“ Boðaðir á fund með Sádunum á bakvið LIV-mótaröðina Sjá meira
Einn besti kylfingur allra tíma, Tiger Woods, var með eins höggs forskot þegar hann hóf seinni níu holurnar á Opna breska meistaramótinu um helgina. Endaði hann á að deila sjötta sæti. Þrátt fyrir að hafa fatast flugið á lokasprettinum um helgina þegar hann fékk skramba og skolla lék hann á köflum frábært golf. Endurspeglaðist það best á þriðja hring þegar hann kom í hús á fimm höggum undir pari með sex fugla og einn skolla en á lokasprettinum mistókst honum að landa risatitlinum. Sjötta sætið er besti árangur hans á risamóti í fimm ár og sýndi að hann er tilbúinn að gera atlögu á hvaða móti sem er héðan í frá.Enn með mesta aðdráttaraflið Francesco Molinari sem var með Tiger í ráshóp fann eflaust spennuna byggjast upp á Carnoustie-vellinum á lokadeginum. Hann vann að lokum mótið á átta höggum undir pari og varð um leið fyrsti ítalski kylfingurinn sem vinnur risamót í golfi. Er þetta annað mótið sem hann vinnur á síðustu þremur vikum. Lengist því biðin eftir fimmtánda risatitlinum hjá Tiger og fyrsta sigrinum á golfmóti í langan tíma. Er hann búinn að öðlast þátttökurétt á WGC Bridgestone eftir níu daga en þar vann hann einmitt síðasta golfmót sitt fyrir fimm árum. Þrátt fyrir það er enn gífurlegur áhugi á spilamennsku Tigers hvar sem hann er. Vonast aðdáendur hans til þess að hann nái fyrri styrk og fari að vinna golfmót á ný. Eftir aldamót hafa aðeins tvívegis fleiri fylgst með lokahring Opna breska meistaramótsins frá Bandaríkjunum, árin 2000 og 2006 þegar Tiger vann tvo af þremur titlum sínum á Opna breska. Með góðum árangri sínum um helgina komst hann í 50. sæti á heimslistanum í golfi. Er hann á hraðferð upp listann eftir að hafa byrjað árið í 656. sæti en hann á enn langt í land með að ná efstu kylfingunum.Bakmeiðslin virðast úr sögunni Í nóvember verða komin níu ár síðan upp komst að Tiger hélt fram hjá þáverandi eiginkonu sinni, Elin Nordgren. Kylfingurinn sem virtist ósnertanlegur og stefndi hraðbyri að meti Jacks Nicklaus yfir flesta risamótstitla í golfi vann ekki mót í tvö og hálft ár. Hann virtist ætla að ná fyrri styrk á ný árið 2012 og 2013 en þá tóku erfið bakmeiðsli sig upp sem ógnuðu ferlinum. Tók hann aðeins þátt í nítján mótum á næstu fjórum árum og eyddi stærstum hluta ársins í endurhæfingu. Eftir fjórar skurðaðgerðir á baki náðist loksins árangur og gat hann farið að spila á góðgerðarmótum í lok síðasta árs. Mætti hann aftur á PGA-mótaröðina í byrjun árs og hefur alls tekið þátt í tólf mótum, þar af risamótunum þremur. Er það sambærilegur fjöldi og hann var með á þessum tímapunkti sumarsins á hápunkti ferilsins. Hefur hann aðeins misst tvisvar af niðurskurði á þessum tólf mótum en um helgina var hann meðal tíu efstu í fjórða skiptið. Besti árangur hans er enn annað sætið sem hann tók á Valspar-meistaramótinu en ef hann heldur áfram á þessari braut er ekki langt þar til hann fagnar sigri á golfmóti á ný.
Golf Mest lesið Fengið nóg af því að vera ruslakista fyrir viðbjóð frá fólki Körfubolti Uppgjör: Grindavík - Keflavík 102-94 | Gulir unnu fyrsta bardagann Körfubolti Guy Smit sendir frá sér afsökunarbeiðni Íslenski boltinn Einvígið galopið eftir jafntefli í Þýskalandi Fótbolti Syrgir fimmtán mánaða son sinn Sport „Real Madrid lofaði mér að ég yrði arftaki Modric“ Fótbolti „Mo Salah sá sem að gekk of langt“ Enski boltinn Hundfúll og ýtti ungum KR-krökkum frá sér: „Ekki fallegt að sjá“ Íslenski boltinn Uppgjörið: Valur - ÍBV 30-22 | Valskonur mættu með sópinn gegn ÍBV Handbolti Martin meiddist og á leið upp á sjúkrahús Körfubolti Fleiri fréttir Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Líklegastur til að vinna en vill frekar vera viðstaddur fæðinguna McIlroy upp með sér vegna orða Tigers Bernard Langer frestar kveðjustundinni á Masters um eitt ár Ofurtölvan hefur litla trú á Rory McIlroy á Mastersmótinu Neitar að gefast upp en bætir líklega ekki við glæsta ferilskrá Tiger setur met ef hann nær niðurskurðinum á Masters Tiger skrúfar fyrir allt kynlíf Fékk aðstoð frá fyrrum þjálfara Tigers en besta ráðið kom frá dótturinni Tiger Woods verður meðal kylfinga á Masters Sjáðu höggin í mögnuðum sigri Scheffler: „Fengi kinnhest frá konunni“ Boðaðir á fund með Sádunum á bakvið LIV-mótaröðina Sjá meira