Lögreglan leitar manns sem sást með eggvopn

Lögreglan á höfuðborgarsvæðinu hefur verið með mikinn viðbúnað í grennd við Skeifuna vegna tilkynninga um mann með eggvopn í hverfinu.

Á tíunda tímanum í kvöld mátti sjá þrjá lögreglubíla lagði fyrir utan verslunarkjarnann Glæsibæ í Álfheimum en nokkrum mínútum síðar höfðu meðlimir úr sérsveit ríkislögreglustjóra bæst í hópinn.

Samkvæmt upplýsingum frá lögreglunni hafði maðurinn sést hér og þar í hverfinu en talið var að maðurinn hefði verið inni á einhverjum bar en hefur ekki enn fundist. Fór lögreglan inn í verslun Iceland og inn á Ölver í Glæsibæ til að leita að manninum.