Rottur rústuðu hraðbanka

Viðgerðarmenn sem sendir voru að biluðum hraðbanka á Indlandi hrukku í kút þegar þeir litu inn í hann.

Þar mátt sjá um 1.2 milljónir rúpía, næstum 2 milljónir króna, sem búið var að tæta upp í ótal lítil snifsi. Sökudólgarnir? Rottur.

Myndir af hraðbankanum fóru sem eldur í sinu um indverska netheima. Þær má sjá hér að neðan en þar ber einnig að líta eina dauða rottu, sem liggur á snifsahrúgunni.

Yes! The rat did a fine job of making a very expensive nest worth 12 lakhs pic.twitter.com/SglTeV1Xum

— Karma Paljor (@Karma_Paljor) June 18, 2018

Í samtali við þarlenda miðla segja lögreglumenn að líklegast þyki að rotturnar hafi skriðið inn í hraðbankann í gegnum gat fyrir leiðslur. Hraðbankinn hafði verið bilaður í um 12 daga áður en ákveðið var að kalla eftir viðgerðarmönnum.

Þrátt fyrir að rotturnar hafi náð að valda fyrrnefndu tjóni virðast þær ekki hafa haft óendanlega matarlyst. Þannig snertu þær ekki á rúmlega 1.7 milljón rúpíum sem eftir voru í kassanum.