Sindri Þór Stefánsson var í dag úrskurðaður í eins mánaðar farbann til viðbótar í Héraðsdómi Reykjaness.
Fréttastofa RÚV greinir frá þessu. Ekki hefur verið gefin út ákæra vegna málsins sem tengist þjófnaði á 600 tölvum úr þremur gagnaverum en tölvurnar eru enn ófundnar en Ólafur Helgi Kjartansson, lögreglustjóri á Suðurnesjum, segir ákvörðun um hvort ákæra verði gefin út eða ekki verði tekin innan skamms. Hann bindur vonir við að ákvörðunin liggi fyrir í þarnæstu viku.
Verjandi Sindra Þórs telur að meðferð málsins hafi tekið of langan tíma án þess að ákæra hafi verið gefin út í málinu. Verjandinn segir í samtali við RÚV að hann hafi mótmælt farbanninu.
Sindri áfram í farbann
Tengdar fréttir
Ætlar að krefjast sýknu yfir Sindra
Verjandi Sindra Þórs Stefánssonar sem kom heim frá Amsterdam í gær ætlar að krefjast sýknu yfir honum ef hann verður ákærður fyrir aðild að umfangsmiklum þjófnaði á tölvubúnaði hér á landi. Hann veltir fyrir sér hvort þörf hafi verið á að flytja Sindra í járnum til landsins.
Rannsókn á Bitcoin-málinu á lokametrunum
Tölvurnar enn ófundnar.
Flutningurinn til Íslands minnti Sindra á Con Air
Sindri Þór Stefánsson segist vilja hreinsa mannorð sitt og halda áfram með líf sitt. Hann hafi engan áhuga á að vera þekktur á Íslandi sem strokufangi.
