Íslensk acapella útgáfa af Africa tekin upp í Húsdýragarðinum

Kvartettinn Barbari hefur gefið frá sér nýtt myndband við acapella útgáfu af laginu Africa með Toto.

Myndbandið er tekið upp í Húsdýragarðinum og leika hin ýmsu húsdýr stór hlutverk í myndbandinu.

Barbari er skipaður þeim Gunnari, Páli, Stefáni og Þórði en strákarnir kynntust í kór Menntaskólans í Reykjavík árið 2014 og stofnuðu kvartettinn í kjölfarið.

„Við tökum að okkur söng við alls konar tilefni, allt frá afmælisveislum til árshátíða, og syngjum í bland íslensk og erlend lög,” segir Stefán.

Upp á síðkastið hefur kvartettinn gefið frá sér myndbönd við hin ýmsu lög á borð við Java Jive, Mr. Sandman, My Girl og Swanee.

„Við erum að fara í smá sumarfrí núna en ætlum að nýta seinni hluta sumars í æfingar og munum koma sterkir inn í haustið með nýuppfært prógram”.

Fleiri upplýsingar má finna á Facebook-síðu Barbara.