Skógareldar í Ástralíu færast nærri íbúðasvæðum
Miklir skógareldar geisa nú í Ástralíu og vinna slökkviliðsmenn að því að ná tökum á eldinum. Of hættulegt þykir að rýma svæðið og hafa yfirvöld biðlað til fólks að leita sér skjóls.
2500 hektarar af landi hafa nú þegar orðið eldsvoðanum að bráð frá því hann braust út snemma á laugardag og hefur eldurinn færst nærri íbúðasvæðum í suðurjaðri Sydney. Íbúar á svæðunum hafa deilt myndum af eldsvoðanum á samfélagsmiðlum þar sem sjá má þykkan reyk og eldglæringar.
#Menai #Holsworthy #BardenRidge #Fire .... The view from the back of the ovals at Barden Ridge pic.twitter.com/6PEh0Sk0Ja
— mike (@MikeCirca1981) 14 April 2018
Malcolm Turnbull, forsætisráðherra Ástralíu, sagði veðurfarið í landinu mikið áhyggjuefni. Hitastig hefur verið óvenju hátt að undanförnu og sagði forsætisráðherrann mikilvægt að vera tilbúinn til þess að bregðast við náttúruöflunum í aðstæðum sem þessum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
