Stjörnuspá Siggu Kling - Steingeitin: Ótrúlegasta fólk mun segja þér leyndarmál sín

Elsku Steingeitin mín, þú hefur brennandi tilfinningar til að skapa einstaka hluti til árangurs og allir í kringum þig sjá það. Þú hefur samt oft á tilfinningunni þú hafir ekki gert nóg og þannig skapar þú keppnisanda í hjarta þínu eins og ótrúlega margir íþróttamenn sem eru einmitt fæddir í þessu merki gera.

Þú eignast ofboðslega einlæga vini en átt það líka til að það séu fjandmenn í kringum þig, en þetta er bara vegna þess að þú ert svo sterkur persónuleiki og á þeim þurfa allir að hafa skoðun. Þú þarft að læra það að vera skítsama um annarra manna skoðanir og akkúrat þetta að nota þetta orð skítsama er lykillinn að halda með sjálfum þér. Það er ekkert í lífinu 100% rétt eða rangt, en það sem trúir á sjálft er sannleikurinn það er þinn sannleikur og þá er það rétt.

Þú átt eftir að vinna mörg afrek en það er bara rétt upphafið, því sigurinn hjá þér felst í því að halda áfram sama hver segir hvað og þú vinnur best í því að hafa allt skipulagt í kringum þig og þó það séu hrúgur útum allt þá eru það þínar skipulögðu hrúgur!

Gamlir draumar eru að fara að rætast hjá þér svo notaðu þína sannfærandi og hvetjandi framkomu bæði á sjálfan þig og aðra í kringum þig og ótrúlegasta fólk mun segja þér leyndarmál sín og koma með lausnir á sínum erfiðleikum, þetta skaltu nýta þér og þína samskiptahæfileika. Þú ert svo góður hlustandi og svo mikill sálfræðingur í eðli þínu svo það að hlusta á aðra færir þér líka niðurstöðu á vandamálum þínum og þú færist á næsta stig.

Skilaboðin þín eru: Hamingjan þín býr í frumunum þínum og hver einasta fruma í líkamanum þínum hefur minni.

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður, Laddi, Jóhann K. Jóhannsson fréttamaður.