Stjörnuspá Siggu Kling – Fiskurinn: Þarft að sundurgreina allt

Elsku Fiskurinn minn, fegursta fólkið er náttúrulega í þessu merki, passar vel upp á sig, er svo smart og áberandi og ég hef aldrei á lífsleiðinni hitt leiðinlega manneskju í þessu merki en nokkrar erfiðar. Þú átt það til að níða af þér skóinn sem er gamalt máltæki sem líklega enginn á eftir að skilja, svo það  er svo mikilvægt fyrir þig að sjá margar mismunandi leiðir á lífsgöngu þinni. Núna ertu oft búinn að hugsa það er bara ein leið og það er þessi leið leið sem ég er ganga, en þá segi ég stopp og finndu frekar meira lyktina af lífinu!  

Það er búin að vera mikil orka í kringum þig og þú þarft að sundurgreina allt sem er að gerast. Þér finnst lífið núna annaðhvort vera svart eða hvítt, misskilningur! Aprílmánuður er að henda til þín ólíklegustu hlutum og þess vegna er búinn að vera svo mikill þankagangangur eða hugsunargangur, þig dreymir mikið og ef þú manst draumana getur þú líka lært að muna draumana þína. Einu sinni kom til mín mjög merkilegur Fiskur sem heitir Nanna, hún sagði við mig að hún myndi aldrei draumana sína, ég klappaði henni á öxlina, núna muntu fara að dreyma fyrir hlutum og muna draumana þína.

Ég hitti þessa konu tveimur árum seinna, en við þekktumst ekkert, og hún sagði mig dreymir og dreymir og alltaf ert þú í draumnum.   Guð minn góður hugsaði ég, hún alltaf að dreyma mig þessa skrýtnu kellu, en ég var bara alltaf að vísa henni veginn, var í bakgrunninum og til dæmis dreymdi hana að hún var alltaf að búa á mig föt og það varð síðan nákvæmlega það sem gerðist að þessi dásamlega saumakona hannaði á mig hverja flíkina eftir aðra svo mundu að það býr í hverri einustu persónu sem fædd er í þessu merki spádómsgáfa og endalaus sköpunarraftur.

Skilaboðin er: Þú ert snillingur að leysa úr vandamálum annarra, notaðu það á þig sjálfan líka

Frægir Fiskar: Elísabet Ásberg listamaður, Beggi hans Pacasar, Baltasar Kormákur leikstjóri, Díana Ómel fjöllistakona, Árni Johnsen, fyrrverandi þingmaður, Albert Einstein, Sigmundur Davíð Gunnlaugsson forsætisráðherra, Vigdís Hauksdóttir þingkona, Ilmur Kristjánsdóttir leikkona, Svavar Örn engill, Páll Óskar poppstjarna, Katla Sign og Baby Kling, Lína Rut listaperla, Nanna Lovísa dýranuddari, Höskuldur Kári Schram fréttamaður.