Innlent

Ólöf Pálsdóttir myndhöggvari látin

Birgir Olgeirsson skrifar
Ólöf Pálsdóttir var 97 ára að aldri þegar hún lést.
Ólöf Pálsdóttir var 97 ára að aldri þegar hún lést. Aðsend
Ólöf Pálsdóttir myndhöggvari, heiðursfélagi í Konunglega breska myndhöggvarafélaginu, lést síðastliðinn miðvikudag 21. febrúar, 97 ára að aldri.

Ólöf sýndi og seldi verk víða um heim, þar á meðal opinberum aðilum.Aðsend
Ólöf Pálsdóttir fæddist að í Reykjavík 14. apríl 1920. Ólöf var dóttir Páls Ólafssonar frá Hjarðarholti, framkvæmdastjóra og ræðismanns, og Hildar Stefánsdóttur frá Auðkúlu. Ólöf nam við Konunglega listaháskólann í Kaupmannahöfn árin 1949-1955 hjá prófessorunum Aksel Jörgensen og Utzon Frank. Hún útskráðist þaðan með gullverðlaun fyrir verk sitt “Sonur” sem stendur nú í Hljómskálagarðinum. Frekara nám stundaði hún í Kaíró árið 1954 hjá prófessorWissa Wassef og 1957 í Róm hjá prófessor Fazzini. 

Ólöf sýndi og seldi verk víða um heim, þar á meðal opinberum aðilum. Höggmynd hennar “Tónlistarmaðurinn”, af sellóleikaranum Erling Blöndal Bengtsson, stendur við Hörpu. Ólöf var einn af stofnendum listamannasamtakanna “Den Nordiske” og hélt sýningar í Kettle’s Yard Museum við Cambridge háskóla og víðar í Bretlandi, svo og í Danmörku, Færeyjum, Frakklandi og Þýskalandi. Ólöf var sæmd íslensku fálkaorðunni árið 1970. 

Ólöf kvæntist Sigurði Bjarnasyni frá Vigur, fyrrverandi alþingismanni, ritstjóra og síðar sendiherra. Þau hjón eignuðust tvö börn, Hildi Helgu og Ólaf Pál.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.