Bein útsending: Kvöldfréttir Stöðvar 2

Íslenska ríkið þarf að greiða konu tæpar tuttugu og sjö milljónir vegna læknamistaka sem leiddu til dauða eiginmanns hennar. Þetta er niðurstaða dóms Hæstaréttar Íslands sem kveðinn var upp í dag. Við fjöllum nánar um þetta í fréttum Stöðvar 2 kl. 18:30. Í fréttatímanum fjöllum við líka um andlát konu sem fannst látin í íbúð sinni í Álftamýri en lögreglan leitar sambýlismanns hennar sem flúði af vettvangi.

Þá fjöllum við mál hælisleitanda sem varð fyrir grófri líkamsárás á Litla Hrauni á þriðjudag en verjandi hans segir kerfið hafa brugðist honum. Þá munum við fjalla um breytingar hjá Coca-Cola en dregið verður úr sykurnotkun í vörulínum fyrirtækisins á Íslandi um tíu prósent á næstu tveimur árum. Með þessu vill fyrirtækið axla ábyrgð á sínum þætti í þeim lýðheilsuvanda sem fylgir aukinni ofþyngd fólks.