Pepsimörkin: Kjóstu leikmann og mark mánaðarins

Pepsimörkin standa fyrir kosningu á bestu leikmönnum í maímánuði í Pepsideild karla og einnig er hægt að velja besta markið á Vísi.

Þeir sem eru tilefndir sem leikmaður mánaðarins eru KR-ingurinn Pálmi Rafn Pálmason, Blikinn Gísli Eyjólfsson og Stjörnumaðurinn Hilmar Árni Halldórsson.

Þó nokkur glæsileg mörk hafa verið skoruð það sem af er leiktíðinni en þetta eru þau þrjú mörk sem Pepsimörkin telja best í maímánuði.

Fyrsta markið skoraði Keflvíkingurinn Frans Elvarsson gegn Stjörnunni í fyrstu umferð. Svo kemur mark Fjölnismannsins Almarrs Ormarssonar í fjórðu umferð gegn Keflavík. Síðast en ekki síst er mark Sito Seoane fyrir Grindavík í leik gegn Valsmönnum.