Körfuboltakvöld: „Stundum veit ég ekki hvar þú ert, elsku drengurinn minn“

Domino’s Körfuboltakvöld fór af stað í gærkvöldi með pompi og prakt en þar var hitað upp fyrir komandi tímabil í Dominos-deildinni.

Tómas Þór Þórðarson stýrði körfuboltaskútunni í gærkvöldi í fjarveru Kjartans Atla Kjartanssonar en með Tómasi í settinu voru þeir Teitur Örlygsson, Kristinn Friðriksson og Jón Eðvaldsson.

Í þætti gærdagsins fóru félagarnir yfir spá Körfuboltakvölds fyrir komandi tímabil í Dominos-deild karla og grandskoðuðu hvert lið fyrir sig.

Í lok þáttar var að sjálfsögðu framlenging. Þar ræddu þeir meðal annars hverjir gerðu það best á markaðnum, hvaða Suðurnesjalið fer lengst og hvað Brynjar Þór Björnsson gerir á Króknum.

Innslagið má sjá í heild sinni hér að ofan.