Forsætisráðherrann eignaðist stúlku

Forsætisráðherra Nýja-Sjálands, Jacinda Ardern, eignaðist í morgun sitt fyrsta barn. Hún er því annar þjóðarleiðtoginn í sögu nútímastjórnmála sem eignast barn í embætti.

Hin 37 ára gamla Ardern lagðist inn á fæðingardeild í gærkvöldi, fjórum sólarhringum eftir settan dag. Hún tilkynnti svo á samfélagsmiðlum að heilbrigt stúlkubarn hafi komið í heiminn í morgun.

Nú tekur við sex vikna barneignarleyfi hjá forsætisráðherranum og mun varaforsætisráðherra landsins fylla í hennar skarð á meðan. Ardern hefur þó gefið það út að hún muni lesa öll mikilvæg skjöl sem lögð eru fyrir ríkisstjórnina svo að hún geti mætt galvösk aftur til vinnu að sex viknum liðnum.

Ardern segist gríðarlega þakklát öllu heilbrigðisstarfsfólkinu sem aðstoðaði hana, sem og öllum þeim þúsundum sem hafa sent henni heillaóskir á síðustu vikum.

Hér að neðan má sjá færslu Ardern í morgun.

Welcome to our village wee one. Feeling very lucky to have a healthy baby girl that arrived at 4.45pm weighing 3.31kg (7.3lb) Thank you so much for your best wishes and your kindness. We're all doing really well thanks to the wonderful team at Auckland City Hospital.

A post shared by Jacinda Ardern (@jacindaardern) on Jun 20, 2018 at 11:14pm PDT