Lena Dunham hrósar Taylor Swift fyrir hugrekkið

Leikkonan Lenda Dunham segist stolt af söngkonunni Taylor Swift fyrir vitnisburðinn við réttarhöldin í gær. Eins og sagt var frá á Vísi í gær kærði Swift útvarpsmann fyrir kynferðisofbeldi en maðurinn, sem heitir David Mueller, hafði áður kært söngkonuna vegna þeirra ásakana. Dunham skrifaði í færslu á Twitter í gær:

„Stolt af @taylorswift13 fyrir sterkan og beittan vitnisburð og fyrir að neita að sætta sig við að láta koma fram við sig eins og eign. Hún sýnir öflugt fordæmi.“

Proud of @taylorswift13 for her fierce & cutting testimony & her refusal to settle for being treated like property. Her example is powerful.

— Lena Dunham (@lenadunham) August 11, 2017

Muller er ákærður fyrir að káfa á berum rassi Swift en hann missti starfið sitt eftir að málið kom upp. Þess má geta að Mueller fer fram á yfir þrjú hundruð milljónir íslenskra króna í skaðabætur í sínu máli en Swift fer fram á að hann verði dæmdur til að greiða einn dal. Lögfræðingur sönkonunnar útskýrði þetta í viðtali á dögunum:

„Hún er að reyna að segja fólki að það er hægt að segja nei þegar einhver snertir þig. Að grípa í afturenda konu er ofbeldi og hefur alltaf verið rangt.“