Lífið leikur við Texas-Magga á ensku nektar­ströndinni

Meistarakokkurinn Magnús Ingi Magnússon, betur þekktur sem Maggi á Texasborgurum, virðist hafa það gott á spænsku eyjunni Kanarí en hann er þar í fríi ásamt eiginkonu sinni Analisa Monticello.

Maggi hefur verið duglegur að birta myndir og myndbönd á Facebook og sjá allir að það fer ofboðslega vel um hann í hitanum á ensku ströndinni. Í gær skellti Magnús sér á nektarströnd á ensku ströndinni á Kanarí og birti nokkrar myndir af grunlausum gestum strandarinnar en myndirnar eru horfnar af Facebook-vegg Magga.

Líklega hafa þær verið fjarlægðar af Facebook þar sem þar sáust aðeins naktir gestir strandarinnar.

Hér að neðan má sjá fjölda mynda og myndband sem sýna hvernig lífið leikur við þau hjónin á Spáni.