Sean og Conor hittu beint í mark: „Ein besta áheyrnarprufa sem við höfum séð“

Bræðurnir Sean og Conor Price mættu í áheyrnarprufu í bresku útgáfuna af X-Factor á dögunum og slógu rækilega í gegn.

Fyrst þegar drengirnir gengu inn í salinn héldu dómararnir að þeir væru tvíburar en þeir eru mjög líkir í útliti.

Sean er 15 ára og Conor er 17 ára en draumur þeirra er að selja upp á tónleika á risa leikvöngum.

Það er skemmst frá því að segja að drengirnir fóru hreinlega á kostum þegar þeir tóku eigin útgáfu af laginu Along the Watchower.

Dómararnir voru einstaklega hrifnir og sagði til að mynda Simon Cowell; „Þetta er líklega ein besta áheyrnarprufa sem við höfum séð.“