Er Þórir búinn að yngja verulega upp í norska landsliðinu? | Mynd

Það er sagt að mynd segi meira en þúsund orð og handboltasíða með léttleikann í fyrirrúmi leyfði sér aðeins á dögunum að leika sér með mynd af Selfyssingnum Þóri Hergeirssyni.

Íslenski handboltaþjálfarinn mætir með norska kvennalandsliðið á enn eitt stórmótið í næsta mánuði þegar Heimsmeistaramótið hefst í Þýskalandi.

Norska landsliðið er ríkjandi heimsmeistari og vann einnig gull á Evrópumótinu fyrir ári síðan. Norska liðið spilar sinn fyrsta leik á móti Ungverjalandi 2. desember næstkomandi en liðið er einnig með Argentínu, Póllandi, Tékklandi og Svíþjóð í riðli.

Þórir hefur haldið norska landsliðinu í fremstu röð frá því að hann tók við árið 2009 þrátt fyrir að liðið hafi gengið í gengum mikil kynslóðarskipti á þessum tæpa áratug.

Þórir hefur oft sett traust sitt á yngri og óreyndari leikmenn . Hann hefur því endurnýjað norska landsliðið um leið og hann hefur náð að landa tíu verðlaun á stórmótum.

Twitter-síðan (Un)informedHandball‏ birti hjá sér þessa mynd hér fyrir neðan.

Norway are so confident of winning another World Championship that they're sending an Under 14 team to Germany... #hbnopic.twitter.com/UcKAWu0Qzn

— (Un)informedHandball (@HandballHour) November 7, 2017

„Norðmenn eru svo öruggir með að vinna einn HM-gullið að þeir eru senda fjórtán ára liðið sitt til Þýskalands“

Þórir stendur þarna fyrir framan ungar norskar handboltakonur og hver veit nema að hann eigi eftir að þjálfa þær í landsliðinu í framtíðinni. Það er hinsvegar ekki komið að því núna.

Á HM í Þýskalandi verður yngsti leikmaður liðsins aftur á móti hin tvítuga Helene Gigstad Fauske sem er að fara að taka þátt í sínu fyrsta stórmóti á HM 2017.

Í liðinu verða reynsluboltar eins og þær Heidi Löke, Camilla Herrem, Kari Aalvik Grimsbö, Nora Mörk og síðast en ekki síst markvörðurinn Katrine Lunde sem er 37 ára gömul.