Fjölskyldudrama Geimgenglanna – VIII kafli Þórarinn Þórarinsson skrifar 14. desember 2017 07:00 Loksins komið að frumsýningu áttunda kafla geimóperunnar sem kennd er við Star Wars. Kvikmyndir Stjörnustríðs-aðdáendur um allan heim hafa beðið þessa dags í óbærilegri spennu í tvö ár. Star Wars: Episode VIII – The Last Jedi er frumsýnd í dag og heldur áfram þar sem frá var horfið í Episode VII: The Force Awakens 2015. Sjöunda kafla lauk þegar nýja hetjan okkar, Rey, fann loks Loga Geimgengil á afskekktri plánetu þar sem hann dvelur í sjálfskipaðri útlegð eftir að hafa klúðrað Jedi-þjálfun systursonar síns með þeim ósköpum að hann varð öflugasta handbendi myrkraaflanna frá því að afi hans, Svarthöfði, var og hét. Mátturinn er með Rey sem heldur nú áfram að þróa nýfundna hæfileika sína með aðstoð Loga sem hefur víst ekki séð annan eins kraft frá því hann missti frænda sinn yfir til hins illa.The Last Jedi er þriðja Stjörnustríðsmyndin sem Disney framleiðir eftir að hafa keypt réttinn á gerð myndanna af hugmyndafræðingi Star Wars, George Lucas, fyrir upphæð sem nemur fjárlögum íslenska ríkisins í hundraðasta veldi. Eða því sem næst. Lucas hafði þá gert tvo þríleiki um hina brotnu og meðvirku Skywalker-fjölskyldu. Sá fyrri sem hófst með Star Wars 1977 er enn í hávegum hafður en sá síðari, sem hverfðist um fall ættföðurins, Anakins, sem reis upp sem Svarthöfði, olli umtalsverðum vonbrigðum. Síðan Disney tók við hefur hins vegar gleðin ein verið við völd hjá Stjörnustríðsnördum allra landa. Fjölskyldudramanu var ýtt í gang með látum með The Force Awakens, í fyrra kom svo sjálfstæða sagan Star Wars: Rogue One, og nú vindur meginsögunni áfram. The Force Awakens kallaðist svo hátt á við fyrstu myndina frá 1977 að um hálfgildings endurgerð var að ræða frekar en nýtt upphaf. Lucas fylgdi Star Wars eftir með The Empire Strikes Back 1980. Tónninn í þeirri mynd var mun myrkari og hún er almennt og óumdeilt talin besta myndin í bálkinum eins og hann leggur sig. Sömu lögmál virðast gilda um The Last Jedi. Þegar hefur spurst út að í henni magnist drunginn í sögunni og þeir sem hafa séð hana keppast við að ausa hana lofi og fyrir almenna frumsýningu stendur hún í 94% á vefnum Rotten Tomatoes sem tekur saman meðaltal birtra dóma. Semsagt, brakandi fersk. Árið 2017 er, fyrir utan þessa frumsýningu, stórt ár í sögu Star Wars þar sem þann 25. maí voru 40 ár liðin frá frumsýningu fyrstu myndarinnar. Íslendingar máttu þó engjast í forvitni býsna lengi því myndin var ekki frumsýnd í Nýja bíói fyrr en í október 1978. Í millitíðinni fengu íslensk börn að kynnast öllum þeim furðuverum sem birtast í myndinni á límmiðum og myndum í Cocoa Puffs- og Cheerios-pökkum. Þegar myndin loksins kom var þeim Loga Geimgengli, Hans Óla, Lilju Ósk prinsessu, Loðni og öllum hinum tekið fagnandi. Helstirnið ógurlega, sem er sko ekkert tungl heldur geimstöð, kallaði fram hroll eins og illmennið Svarthöfði. Annar eins skúrkur hafði ekki sést áður. Síðar kom á daginn að undir svartri brynjunni engdist sundurtætt sál í togstreitu milli góðs og ills. Allar aðalpersónur gamla þríleiksins komu fyrst aftur saman í The Force Awakens frá því þeim tókst að gera út af við keisaraveldi hins illa í The Return of the Jedi 1983. Þessara endurfunda hafði verið beðið í rúma þrjá áratugi og tilfinningar áhorfenda eru því eðlilega þandar til hins ýtrasta núna þegar gallaða Geimgengla-fjölskyldan kallar enn á ný hörmungar yfir heila stjörnuþoku með vandamálum sínum. thorarinn@frettabladid.is Birtist í Fréttablaðinu Star Wars Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Við erum öll byrjendur á einhverjum tímapunkti“ Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira
Kvikmyndir Stjörnustríðs-aðdáendur um allan heim hafa beðið þessa dags í óbærilegri spennu í tvö ár. Star Wars: Episode VIII – The Last Jedi er frumsýnd í dag og heldur áfram þar sem frá var horfið í Episode VII: The Force Awakens 2015. Sjöunda kafla lauk þegar nýja hetjan okkar, Rey, fann loks Loga Geimgengil á afskekktri plánetu þar sem hann dvelur í sjálfskipaðri útlegð eftir að hafa klúðrað Jedi-þjálfun systursonar síns með þeim ósköpum að hann varð öflugasta handbendi myrkraaflanna frá því að afi hans, Svarthöfði, var og hét. Mátturinn er með Rey sem heldur nú áfram að þróa nýfundna hæfileika sína með aðstoð Loga sem hefur víst ekki séð annan eins kraft frá því hann missti frænda sinn yfir til hins illa.The Last Jedi er þriðja Stjörnustríðsmyndin sem Disney framleiðir eftir að hafa keypt réttinn á gerð myndanna af hugmyndafræðingi Star Wars, George Lucas, fyrir upphæð sem nemur fjárlögum íslenska ríkisins í hundraðasta veldi. Eða því sem næst. Lucas hafði þá gert tvo þríleiki um hina brotnu og meðvirku Skywalker-fjölskyldu. Sá fyrri sem hófst með Star Wars 1977 er enn í hávegum hafður en sá síðari, sem hverfðist um fall ættföðurins, Anakins, sem reis upp sem Svarthöfði, olli umtalsverðum vonbrigðum. Síðan Disney tók við hefur hins vegar gleðin ein verið við völd hjá Stjörnustríðsnördum allra landa. Fjölskyldudramanu var ýtt í gang með látum með The Force Awakens, í fyrra kom svo sjálfstæða sagan Star Wars: Rogue One, og nú vindur meginsögunni áfram. The Force Awakens kallaðist svo hátt á við fyrstu myndina frá 1977 að um hálfgildings endurgerð var að ræða frekar en nýtt upphaf. Lucas fylgdi Star Wars eftir með The Empire Strikes Back 1980. Tónninn í þeirri mynd var mun myrkari og hún er almennt og óumdeilt talin besta myndin í bálkinum eins og hann leggur sig. Sömu lögmál virðast gilda um The Last Jedi. Þegar hefur spurst út að í henni magnist drunginn í sögunni og þeir sem hafa séð hana keppast við að ausa hana lofi og fyrir almenna frumsýningu stendur hún í 94% á vefnum Rotten Tomatoes sem tekur saman meðaltal birtra dóma. Semsagt, brakandi fersk. Árið 2017 er, fyrir utan þessa frumsýningu, stórt ár í sögu Star Wars þar sem þann 25. maí voru 40 ár liðin frá frumsýningu fyrstu myndarinnar. Íslendingar máttu þó engjast í forvitni býsna lengi því myndin var ekki frumsýnd í Nýja bíói fyrr en í október 1978. Í millitíðinni fengu íslensk börn að kynnast öllum þeim furðuverum sem birtast í myndinni á límmiðum og myndum í Cocoa Puffs- og Cheerios-pökkum. Þegar myndin loksins kom var þeim Loga Geimgengli, Hans Óla, Lilju Ósk prinsessu, Loðni og öllum hinum tekið fagnandi. Helstirnið ógurlega, sem er sko ekkert tungl heldur geimstöð, kallaði fram hroll eins og illmennið Svarthöfði. Annar eins skúrkur hafði ekki sést áður. Síðar kom á daginn að undir svartri brynjunni engdist sundurtætt sál í togstreitu milli góðs og ills. Allar aðalpersónur gamla þríleiksins komu fyrst aftur saman í The Force Awakens frá því þeim tókst að gera út af við keisaraveldi hins illa í The Return of the Jedi 1983. Þessara endurfunda hafði verið beðið í rúma þrjá áratugi og tilfinningar áhorfenda eru því eðlilega þandar til hins ýtrasta núna þegar gallaða Geimgengla-fjölskyldan kallar enn á ný hörmungar yfir heila stjörnuþoku með vandamálum sínum. thorarinn@frettabladid.is
Birtist í Fréttablaðinu Star Wars Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Við erum öll byrjendur á einhverjum tímapunkti“ Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira