Vernd fyrir illsku er fegursta gjöfin Þórdís Lilja Gunnarsdóttir skrifar 11. desember 2017 09:00 Helgi Björnsson á lítið sameiginlegt með karakternum sem hann syngur um í jólalaginu Ef ég nenni. MYND/EYÞÓR Helgi Björns nennir. Hann verður seint talinn með mönnum sem nenna ekki hlutunum. Mætti hann ráða vildi hann frekar syngja „ef hún vill mig“ þar sem segir „ef ég nenni“, en að lagið um þennan skondna karakter sem litlu nennir sé óneitanlega skemmtilegt. „Ég get engan veginn samsamað mig þessum karakter í laginu, sem er tilbúinn að gefa ástinni allt sem hún óskar sér, bara ef hann nennir. Þar verð ég virkilega að ganga gegn minni betri vitund og setja mig í karakter. Ég er bara ekki týpan sem nennir ekki hlutunum,“ segir Helgi, sem í orðabókum hefur fundið mýmargar merkingar á orðinu „nenni“ og þar á meðal væntumþykju. „En ég reikna með að vinsældir lagsins felist að hluta til í þessum skondna karakter sem er tilbúinn í allt, ef hann bara nennir. Það er auðvitað fyndið.“ Jólalagið Ef ég nenni kom út á plötunni Jólagestir Björgvins árið 1995 en fékk þá enga spilun. Lagið er eftir ítalska rokksöngvarann Zucchero og heitir upp á ítölsku Così Celeste. „Svo var það fyrir jólin 1996 að ég bjó með fjölskyldunni í Flórens á Ítalíu, þar sem upprunalegt lag Zuccheros var enn mjög vinsælt á ítölskum útvarpsstöðvum. Þá fæ ég símtal að heiman um að nýja jólalagið mitt hafi slegið í gegn heima. Ég kom alveg af fjöllum og sagði þetta hljóta að vera misskilning þar sem ég væri ekki með neitt nýtt jólalag þau jólin. Lagið reyndist þá vera svokallaður „sleeper“ eins og það er kallað í bransanum,“ segir Helgi og á við lag sem slær ekki í gegn strax heldur oft löngu síðar. „Þegar ný plata kemur út er oftast ýtt á eftir ákveðnum lögum í spilun en þá hitta menn jafnvel ekki á rétta lagið sem síðar verður alger hittari. Lagið hefur síðan lifað vel og ýmist verið kosið besta eða versta jólalagið í hinum ýmsu könnunum,“ segir Helgi og hlær. „Mér finnst lagið frábært, vel samið og með mikinn stíganda og ris. Mér finnst líka gaman að syngja það og alltaf jafn skemmtilegt að hitta það aftur eftir ársfrí, en ég syng það í fjórar vikur fyrir jól á hinum ýmsu jólatónleikum og skemmtunum.“ Þegar kemur að jólagjöfum handa ástinni sinni segist Helgi alltaf hugsa um gimsteina og perlur, eða að kaupa kóngsríki og fegurstu rósir. „En ég mundi frekar nota „ef hún vill mig“ í stað „ef ég nenni“ í söngtextanum. Fegursta gjöfin sem sungið er um í laginu finnst mér vera verndin, þar sem segir: Aldrei framar neitt illt í heimi óttast þarf, engillinn minn,því ég er hér og vaki… „Þegar maður er búinn að lifa aðeins lengur en skemur áttar maður sig á því,“ segir Helgi, sem í seinni tíð hefur ekki þurft að slá neinn um lán fyrir jólagjöf handa ástinni. „Ég hef nú getað bjargað mér sjálfur en ég hef eflaust slegið einhvern um lán þegar ég var fátækur námsmaður og notaði danska tíaura til að borga í strætó og lifði á sardínudósum og Ora-fiskibollum.“ Helgi hlakkar mikið til jólanna í ár. Þá fær hann dýrmæta jólagjöf. „Besta jólagjöfin verður að fá yndisleg barnabörnin heim í jólafrí en þau búa í Singapúr. Þau eru eins og fjögurra ára og búa svona langt í burtu. Því verður dásamlegt að njóta samvista við þau hér heima.“Þetta viðtal birtist fyrst í Jólablaði Fréttablaðsins 28. nóvember 2017. Jólalög Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Helgi Björns nennir. Hann verður seint talinn með mönnum sem nenna ekki hlutunum. Mætti hann ráða vildi hann frekar syngja „ef hún vill mig“ þar sem segir „ef ég nenni“, en að lagið um þennan skondna karakter sem litlu nennir sé óneitanlega skemmtilegt. „Ég get engan veginn samsamað mig þessum karakter í laginu, sem er tilbúinn að gefa ástinni allt sem hún óskar sér, bara ef hann nennir. Þar verð ég virkilega að ganga gegn minni betri vitund og setja mig í karakter. Ég er bara ekki týpan sem nennir ekki hlutunum,“ segir Helgi, sem í orðabókum hefur fundið mýmargar merkingar á orðinu „nenni“ og þar á meðal væntumþykju. „En ég reikna með að vinsældir lagsins felist að hluta til í þessum skondna karakter sem er tilbúinn í allt, ef hann bara nennir. Það er auðvitað fyndið.“ Jólalagið Ef ég nenni kom út á plötunni Jólagestir Björgvins árið 1995 en fékk þá enga spilun. Lagið er eftir ítalska rokksöngvarann Zucchero og heitir upp á ítölsku Così Celeste. „Svo var það fyrir jólin 1996 að ég bjó með fjölskyldunni í Flórens á Ítalíu, þar sem upprunalegt lag Zuccheros var enn mjög vinsælt á ítölskum útvarpsstöðvum. Þá fæ ég símtal að heiman um að nýja jólalagið mitt hafi slegið í gegn heima. Ég kom alveg af fjöllum og sagði þetta hljóta að vera misskilning þar sem ég væri ekki með neitt nýtt jólalag þau jólin. Lagið reyndist þá vera svokallaður „sleeper“ eins og það er kallað í bransanum,“ segir Helgi og á við lag sem slær ekki í gegn strax heldur oft löngu síðar. „Þegar ný plata kemur út er oftast ýtt á eftir ákveðnum lögum í spilun en þá hitta menn jafnvel ekki á rétta lagið sem síðar verður alger hittari. Lagið hefur síðan lifað vel og ýmist verið kosið besta eða versta jólalagið í hinum ýmsu könnunum,“ segir Helgi og hlær. „Mér finnst lagið frábært, vel samið og með mikinn stíganda og ris. Mér finnst líka gaman að syngja það og alltaf jafn skemmtilegt að hitta það aftur eftir ársfrí, en ég syng það í fjórar vikur fyrir jól á hinum ýmsu jólatónleikum og skemmtunum.“ Þegar kemur að jólagjöfum handa ástinni sinni segist Helgi alltaf hugsa um gimsteina og perlur, eða að kaupa kóngsríki og fegurstu rósir. „En ég mundi frekar nota „ef hún vill mig“ í stað „ef ég nenni“ í söngtextanum. Fegursta gjöfin sem sungið er um í laginu finnst mér vera verndin, þar sem segir: Aldrei framar neitt illt í heimi óttast þarf, engillinn minn,því ég er hér og vaki… „Þegar maður er búinn að lifa aðeins lengur en skemur áttar maður sig á því,“ segir Helgi, sem í seinni tíð hefur ekki þurft að slá neinn um lán fyrir jólagjöf handa ástinni. „Ég hef nú getað bjargað mér sjálfur en ég hef eflaust slegið einhvern um lán þegar ég var fátækur námsmaður og notaði danska tíaura til að borga í strætó og lifði á sardínudósum og Ora-fiskibollum.“ Helgi hlakkar mikið til jólanna í ár. Þá fær hann dýrmæta jólagjöf. „Besta jólagjöfin verður að fá yndisleg barnabörnin heim í jólafrí en þau búa í Singapúr. Þau eru eins og fjögurra ára og búa svona langt í burtu. Því verður dásamlegt að njóta samvista við þau hér heima.“Þetta viðtal birtist fyrst í Jólablaði Fréttablaðsins 28. nóvember 2017.
Jólalög Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira