Dominos Körfuboltakvöld: Bestu leikmenn, tilþrif og úrvalslið októbermánaðar tilkynnt | Myndbönd

Dominos Körfuboltakvöld veitti í gærkvöld verðlaun fyrir bestu leikmenn síðastliðins mánaðar, úrvalsliðin tilkynnt ásamt því að veitt voru verðlaun fyrir bestu tilþrifin.

Kosningin fór fram á Vísi.is en lesendur Vísis voru á því að Matthías Orri Sigurðssson sem hlaut 63% atkvæða en hann fékk verðlaunin sent heim til sín þar sem hann gat ekki tekið þátt í leik ÍR á dögunum vegna veikinda.

Hafði hann þar betur gegn Terrell Vinson sem hlaut 20% atkvæða og Hlyni Bæringssyni sem fékk 17% atkvæða.

Í kvennaflokki var spennan heldur meiri, þar hafði Hallveig Jónsdóttir nauman sigur með 37% atkvæða en Danielle Rodriguez(34%) og Helena Sverrisdóttir(29%) en allar þrjár voru þær í úrvalsliði  októbermánaðar.

Þar voru þær ásamt Sigrúnu Sjöfn Ámundadóttir og Sóllilju Bjarnadóttir en Sóllilja var ekki eini fulltrúi Blika þar sem þjálfari liðsins, Hildur Sigurðardóttir, var kosinn besti þjálfari októbermánaðar.

Í karlaflokki voru Matthías, Terrell og Hlynur á sínum stað en þeim til aðstoðar voru Sigtryggur Arnar Björnsson og Ingvi Rafn Ingason og á hliðarlínunni var Borche Ilievski valinn besti þjálfarinn eftir að hafa leitt ÍR óvænt í toppbaráttu.

Að lokum voru bestu tilþrif mánaðarins valinn en þar hafði Trausti Eiríksson nokkuð öruggan sigur með 47% atkvæða fyrir troðslu sína gegn Hetti á dögunum en troðsluna má sjá hér fyrir neðan.

Körfuboltakvöld: Hallveig valin best í októbermánuði Körfuboltakvöld: Blikar eiga tvo fulltrúa í úrvalsliðinu kvennamegin: Körfuboltakvöld: ÍR á tvo fulltrúa í úrvalsliðinu karlamegin: Trausti á flottustu tilþrif mánaðarins: