Óli Palli og Stella taka 107 ára sögufrægt hús á Akranesi í nefið

Fyrir þremur árum keyptu hjónin Ólafur Páll Gunnarsson og Stella María Arinbjargardóttir einbýlishús við Sunnuhvoll á Akranesi.

Húsið var byggt árið 1910 og er því 107 ára gamalt en þau hafa unnið  hörðum höndum við endurbætur á húsinu undanfarin misseri.

Á vefnum Skagafréttir er ítarleg umfjöllun um uppbyggingarferlið á húsinu, en ljóst er að þau hafa tekið húsið gjörsamlega í nefið.

Á næstunni mun fjölskyldan flytja tímabundið inn í Sunnuhvoll sem verður í framtíðinni gistiheimili fyrir ferðamenn á Akranesi.

Óli Palli og Stella halda í upprunalegan stíl á hönnun hússins og gera það mjög vel eins og sjá má hér að neðan. Hér má síðan sjá ótal margar myndir frá verkefninu.