Erlent

Deilt um hver eigi að borga reikninginn vegna Harvey

Atli Ísleifsson skrifar
43 þúsund manns hafast enn við í neyðarskýlum á hamfarasvæðunum.
43 þúsund manns hafast enn við í neyðarskýlum á hamfarasvæðunum. Vísir/AFP

Ríkisstjóri Texas, Greg Abbott, segir að kostnaðurinn við að lagfæra tjónið af völdum fellibylsins Harvey gæti náð 180 milljörðum Bandaríkjadala. Það jafngildir um 19.000 milljarða króna á núverandi gengi.

Abbott segir tjónið vera meira en það sem hlaust af fellibylnum Katrínu þegar hann lagði stóra hluta New Orleans borgar í rúst árið 2005.

Nokkrar deilur virðast vera að rísa um hver eigi að borga reikninginn því yfirmaður náttúruhamfarastofnunar Bandaríkjanna segir að þau ríki sem hafi orðið fyrir Harvey geti ekki búist við því að alríkisstjórnin í Washington borgi þann reikning.

Fjörutíu og sjö fórust í veðurhamnum og um 43 þúsund manns hafast enn við í neyðarskýlum.


Tengdar fréttir

Trump heimsækir hamfarasvæði á ný

Forsetinn mun taka stöðuna á hjálparstarfi bæði í Houston í Texas-ríki, sem fór einna verst út úr flóðum í kjölfar Harveys, og Louisiana-ríki.

7,8 milljarðar dala í neyðaraðstoð vegna Harvey

Donald Trump Bandaríkjaforseti hefur sent Bandaríkjaþingi beiðni um 7,8 milljarða bandaríkjadala í neyðaraðstoð svo hægt sé að hefja uppbyggingu í kjölfar eyðileggingar eftir fellibylinn Harvey í Texas og Louisiana



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.