Íslendingarnir á CrossFit-leikunum: „Rosalega stór þjóð í þessu sporti þrátt fyrir að vera lítið land“ Atli Ísleifsson og Jóhann Óli Eiðsson skrifa 2. ágúst 2017 16:15 Ingvar Heiðmann Birgisson segir að undirbúninginn hafi gengið mjög vel, allir séu heilir og enginn glími við meiðsli. „Það er vel tekið á móti okkur þegar við segjumst vera frá Íslandi,“ segir Ingvar Heiðmann Birgisson, fyrirliði liðs Crossfit XY á Heimsleikunum í CrossFit, sem hefjast í borginni Madison í Wisconsin á morgun. „Ísland er rosalega stór þjóð í þessu sporti þrátt fyrir að vera lítið land. Við erum öflug þjóð sem er búin að ná langt.“ Íslendingar verða með tvö lið á leikunum í ár og svo fjórar konur og einn mann sem keppa í einstaklingskeppninni. Leikarnir hefjast á morgun og standa fram á sunnudag. Ingvar Heiðmann segir að keppendur þurfi allir að vera í fötum merktum Reebook á mótinu. „Allir fá númer og svo þurfum að vera í bol með þessum númerum. Þetta er náttúrulega skrítið því við æfum öll í Nike. Það er því skrítið að hoppa beint í Reebook beint fyrir keppni. Þetta eru nokkrir dagar og maður verður bara að taka því sem kemur.“ Hann segir að undirbúninginn hafi gengið mjög vel, allir séu heilir og enginn glími við meiðsli. „Allir eru mjög klárir. Við vitum hins vegar takmarkað mikið um keppnina sjálfa, í hvaða greinum verði keppt. Þegar maður er kominn í svona keppni skiptir hver sekúnda máli. Í liðakeppni þurfa pör oft að vinna saman og vera með á hreinu hverjir passa best saman og í hvaða greinum. Inn á milli eru greinar þar sem við erum öll sex að gera sömu æfinguna samtímis. Við verðum því að tryggja að samskiptin séu á hreinu þegar við erum öll að gera í einu. Við verðum að vera samstillt.“CrossFit heimsleikarnir fara fram í Madison í Wisconsin í ár.Svo gott sem nýtt lið Ingvar segir að CrossFit XY hafi einnig verið með lið í fyrra, en að það sé bara einn úr því liði sem keppir aftur í ár. „Þetta er eiginlega alveg nýtt lið. Þetta er fyrsta skiptið sem ég keppi á þessum leikum.“ Liðið mætti til Madison á fimmtudaginn í síðustu viku til að venjast veðrinu og loftslaginu. „Það er allt annað andrúmsloft þegar maður er að æfa fyrir eitthvað ákveðið. Hérna erum við bara að fókusa á þetta. Heima erum við í vinnu og þurfum að hugsa um fleiri hluti en hérna snýst þetta bara um leikana. Við erum að æfa og bara að hugsa um keppnina, um líkamann, að næra og hvíla sig.“Helsta markmiðið að njóta og keppa Ingvar segir erfitt að segja til um markmið liðsins þar sem það þekki ekki almennilega hvar það stendur. Liðið hafi lent í þriðja sæti á Evrópuleikunum. „Helsta markmiðið er að koma út, njóta og keppa. Þetta er búið að vera langt tímabil sem byrjaði í janúar.“ Leikarnir hafa farið fram í Los Angeles síðustu ár en hafa nú fært sig um set. Ingvar segir að andrúmsloftið í Madison sé allt annað. „Þetta er minni bær og meiri sveitafílingur. Þetta er miklu minna, það fer ekki á milli mála. Fjölmiðlaumstangið er mikið. Það er vel tekið á móti okkur þegar við segjumst vera frá Íslandi. Það er áberandi hvað Ísland er framarlega í þessu. Alltaf gaman að segjast vera frá Íslandi,“ segir Ingvar.Lið CrossFit XY.Keppendur CrossFit XYIngvar Birgisson, 23 ára, fyrsta skiptið á Heimsleikunum. Fyrirliði CrossFit XY.Sterkustu greinar: Hnébeygjur og „strongman-æfingar“Byrjaði í crossfit: „Byrjaði í crossfit fyrir tæplega tveimur árum. Ég féll fyrir CrossFit af því það krefst svo mikillar fjölbreytni og hæfileika til að nota líkamann. Hugmyndin að kunna og geta allt sem tengist íþróttum og líkamanum heillar mig.“Haraldur Holgersson, 18 ára, annað skiptið á Heimsleiknunum (unglingaflokki á síðasta ári).Sterkustu greinar: Líkamsþyngdar-æfingarByrjaði í CrossFit: „Byrjaði sextán ára í CrossFit út af því ég var í Skólahreysti og langaði að gera eitthvað krefjandi. Ég fann mig ekki í „hefðbundnum“ íþróttum.“Hjördís Ósk Óskarsdóttir, 33 ára, fjórða skiptið á Heimsleikunum og var í liðinu í fyrraSterkustu greinar: Muscle up, Front squat og Squat CleanByrjaði í CrossFit: „Ég byrjaði árið 2010. Elvar Þór vinur minn plataði mig til að prófa CrossFit út af því að hann vissi af Evrópukeppni þar sem við gætum farið með lið frá Boot Camp þar sem ég æfði þá.“Jóhanna Júlía Júlíusdóttir, 21 ára, fyrsta skiptið á HeimsleikunumSterkustu greinar: „Hef góðan grunn eftir að hafa verið að æfa sund í mörg ár og myndi segja að mínir styrkleikar væru allt sem er gert með höndunum, og æfingar með eigin líkamsþyngd.“Byrjaði í CrossFit: „Ég byrjaði í CrossFit fljótlega eftir að ég hætti að æfa sund, var plötuð til að keppa í einni BootCamp-keppni með stelpum frá Suðurnesjunum til þess að taka armbeygjur fyrir þær og fannst þetta bara svo svakalega gaman þannig ég skráði mig strax á grunnnámskeið.“Kjartan Hrafnkelsson, 29 ára, fyrsta skiptið á CrossFit-leikunumSterkustu greinar: Sund og milliþyngdar ólympískar lyftingarByrjaði í CrossFit: „Byrjaði fyrir fjórum árum af því ég hafði ekki tíma til að æfa sund eins mikið og ég vildi, CrossFit hentaði mér betur.“Stefanía Júlíusdóttir, 27 ára, fyrsta skiptið á HeimsleikunumSterkustu greinar: Fimleikaæfingar og lengri wod Byrjaði í CrossFit: „Byrjaði árið 2013 því mig vantaði nýjar og krefjandi áskoranir og langaði að prófa eitthvað nýtt og mér fannst CrossFit mjög spennandi.“ CrossFit Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Erna Ómars er borgarlistamaður Reykjavíkur Menning Fréttatía vikunnar: Kosningar, eldgos og meistarar Lífið Frambjóðendum gekk misvel í hraðaspurningum Lífið The Lazarus Project: Varúð, veldur svefnleysi Gagnrýni Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Þetta höfðu netverjar að segja um kappræðurnar Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira
„Það er vel tekið á móti okkur þegar við segjumst vera frá Íslandi,“ segir Ingvar Heiðmann Birgisson, fyrirliði liðs Crossfit XY á Heimsleikunum í CrossFit, sem hefjast í borginni Madison í Wisconsin á morgun. „Ísland er rosalega stór þjóð í þessu sporti þrátt fyrir að vera lítið land. Við erum öflug þjóð sem er búin að ná langt.“ Íslendingar verða með tvö lið á leikunum í ár og svo fjórar konur og einn mann sem keppa í einstaklingskeppninni. Leikarnir hefjast á morgun og standa fram á sunnudag. Ingvar Heiðmann segir að keppendur þurfi allir að vera í fötum merktum Reebook á mótinu. „Allir fá númer og svo þurfum að vera í bol með þessum númerum. Þetta er náttúrulega skrítið því við æfum öll í Nike. Það er því skrítið að hoppa beint í Reebook beint fyrir keppni. Þetta eru nokkrir dagar og maður verður bara að taka því sem kemur.“ Hann segir að undirbúninginn hafi gengið mjög vel, allir séu heilir og enginn glími við meiðsli. „Allir eru mjög klárir. Við vitum hins vegar takmarkað mikið um keppnina sjálfa, í hvaða greinum verði keppt. Þegar maður er kominn í svona keppni skiptir hver sekúnda máli. Í liðakeppni þurfa pör oft að vinna saman og vera með á hreinu hverjir passa best saman og í hvaða greinum. Inn á milli eru greinar þar sem við erum öll sex að gera sömu æfinguna samtímis. Við verðum því að tryggja að samskiptin séu á hreinu þegar við erum öll að gera í einu. Við verðum að vera samstillt.“CrossFit heimsleikarnir fara fram í Madison í Wisconsin í ár.Svo gott sem nýtt lið Ingvar segir að CrossFit XY hafi einnig verið með lið í fyrra, en að það sé bara einn úr því liði sem keppir aftur í ár. „Þetta er eiginlega alveg nýtt lið. Þetta er fyrsta skiptið sem ég keppi á þessum leikum.“ Liðið mætti til Madison á fimmtudaginn í síðustu viku til að venjast veðrinu og loftslaginu. „Það er allt annað andrúmsloft þegar maður er að æfa fyrir eitthvað ákveðið. Hérna erum við bara að fókusa á þetta. Heima erum við í vinnu og þurfum að hugsa um fleiri hluti en hérna snýst þetta bara um leikana. Við erum að æfa og bara að hugsa um keppnina, um líkamann, að næra og hvíla sig.“Helsta markmiðið að njóta og keppa Ingvar segir erfitt að segja til um markmið liðsins þar sem það þekki ekki almennilega hvar það stendur. Liðið hafi lent í þriðja sæti á Evrópuleikunum. „Helsta markmiðið er að koma út, njóta og keppa. Þetta er búið að vera langt tímabil sem byrjaði í janúar.“ Leikarnir hafa farið fram í Los Angeles síðustu ár en hafa nú fært sig um set. Ingvar segir að andrúmsloftið í Madison sé allt annað. „Þetta er minni bær og meiri sveitafílingur. Þetta er miklu minna, það fer ekki á milli mála. Fjölmiðlaumstangið er mikið. Það er vel tekið á móti okkur þegar við segjumst vera frá Íslandi. Það er áberandi hvað Ísland er framarlega í þessu. Alltaf gaman að segjast vera frá Íslandi,“ segir Ingvar.Lið CrossFit XY.Keppendur CrossFit XYIngvar Birgisson, 23 ára, fyrsta skiptið á Heimsleikunum. Fyrirliði CrossFit XY.Sterkustu greinar: Hnébeygjur og „strongman-æfingar“Byrjaði í crossfit: „Byrjaði í crossfit fyrir tæplega tveimur árum. Ég féll fyrir CrossFit af því það krefst svo mikillar fjölbreytni og hæfileika til að nota líkamann. Hugmyndin að kunna og geta allt sem tengist íþróttum og líkamanum heillar mig.“Haraldur Holgersson, 18 ára, annað skiptið á Heimsleiknunum (unglingaflokki á síðasta ári).Sterkustu greinar: Líkamsþyngdar-æfingarByrjaði í CrossFit: „Byrjaði sextán ára í CrossFit út af því ég var í Skólahreysti og langaði að gera eitthvað krefjandi. Ég fann mig ekki í „hefðbundnum“ íþróttum.“Hjördís Ósk Óskarsdóttir, 33 ára, fjórða skiptið á Heimsleikunum og var í liðinu í fyrraSterkustu greinar: Muscle up, Front squat og Squat CleanByrjaði í CrossFit: „Ég byrjaði árið 2010. Elvar Þór vinur minn plataði mig til að prófa CrossFit út af því að hann vissi af Evrópukeppni þar sem við gætum farið með lið frá Boot Camp þar sem ég æfði þá.“Jóhanna Júlía Júlíusdóttir, 21 ára, fyrsta skiptið á HeimsleikunumSterkustu greinar: „Hef góðan grunn eftir að hafa verið að æfa sund í mörg ár og myndi segja að mínir styrkleikar væru allt sem er gert með höndunum, og æfingar með eigin líkamsþyngd.“Byrjaði í CrossFit: „Ég byrjaði í CrossFit fljótlega eftir að ég hætti að æfa sund, var plötuð til að keppa í einni BootCamp-keppni með stelpum frá Suðurnesjunum til þess að taka armbeygjur fyrir þær og fannst þetta bara svo svakalega gaman þannig ég skráði mig strax á grunnnámskeið.“Kjartan Hrafnkelsson, 29 ára, fyrsta skiptið á CrossFit-leikunumSterkustu greinar: Sund og milliþyngdar ólympískar lyftingarByrjaði í CrossFit: „Byrjaði fyrir fjórum árum af því ég hafði ekki tíma til að æfa sund eins mikið og ég vildi, CrossFit hentaði mér betur.“Stefanía Júlíusdóttir, 27 ára, fyrsta skiptið á HeimsleikunumSterkustu greinar: Fimleikaæfingar og lengri wod Byrjaði í CrossFit: „Byrjaði árið 2013 því mig vantaði nýjar og krefjandi áskoranir og langaði að prófa eitthvað nýtt og mér fannst CrossFit mjög spennandi.“
CrossFit Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Erna Ómars er borgarlistamaður Reykjavíkur Menning Fréttatía vikunnar: Kosningar, eldgos og meistarar Lífið Frambjóðendum gekk misvel í hraðaspurningum Lífið The Lazarus Project: Varúð, veldur svefnleysi Gagnrýni Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Þetta höfðu netverjar að segja um kappræðurnar Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira