Skörp lækkun á gengi bréfa

Gengi bréfa í Högum, sem reka Bónus og Hagkaup, lækkaði um 7,24 prósent í viðskiptum í gær og nam gengið 36,5 krónum í lok dags. Eins og fram hefur komið sendi félagið frá sér afkomuviðvörun á föstudaginn þar sem varað var við því að sala félagsins hafi dregist saman í júlí. Það er í annað skiptið í sumar sem slík afkomuviðvörun er send. Lækkun á gengi bréfa í Högum frá því að Costco opnaði hinn 23. maí nemur samtals 33,9 prósentum. Markaðsvirði félagsins er nú um 42 milljarðar króna.