Fyrrverandi knattspyrnufólk skipar nýjar stöður hjá VÍS

VÍS hef­ur samkvæmt tilkynningu vátryggingafélagsins ráðið í þrjár stöður í þeim tilgangi að styrkja enn frek­ar þjón­ustu þess á fyr­ir­tækja­markaði.

Bjarni Guðjónsson, fyrrverandi knattspyrnumaður og aðstoðarþjálfari Víkings  hefur verið ráðinn í starf viðskiptastjóra með áherslu á sjávarútveg í fyrirtækjaráðgjöf. Í tilkynningu VÍS segir að Bjarni sé með BS próf í viðskipta- og markaðsfræði frá Háskólanum í Reykjavík. Hann hafi starfað sem sölustjóri sjávarútvegsteymis hjá Odda en áður var hann aðalþjálfari KR og Fram í úrvaldsdeild karla og verslunarstjóri hjá Ellingsen. Bjarni er giftur Önnu Maríu Gísladóttur og eiga þau þrjú börn á aldrinum 3 - 14 ára. Hann kemur til starfa til VÍS 1. ágúst nk.

VÍS greinir einnig frá því að Elfa Björk Erlingsdóttir, fyrrverandi landsliðskona í knattspyrnu, hafi verið ráðin í starf fyrirtækjaráðgjafa í fyrirtækjaráðgjöf vátryggingafélagsins. Elfa Björk er með meistarapróf í markaðsfræðum og alþjóðaviðskiptum frá Háskóla Íslands. Hún hefur starfað hjá Sjóvá frá árinu 2009 m.a. sem ráðgjafi hjá Sjóvá Líf, ráðgjafi á tjónasviði vegna ökutækja og persónutrygginga og staðgengill fræðslustjóra. Áður vann hún hjá Tollstjóranum í Reykjavík. Elfa Björk er fyrrum landsliðskona í fótbolta og spilaði í mörg ár fyrir Stjörnuna og KR. Elfa Björk er gift Sigurði Bjarna Sigurðssyni og eiga þau tvær dætur, 7 og 11 ára. Elfa Björk kemur til starfa til VÍS fyrir miðjan ágúst.

Þá hefur Jón Ragnar Gunnarsson verið ráðinn í starf viðskiptastjóra í fyrirtækjaráðgjöf.  Jón Ragnar stundaði nám við Háskóla Íslands í ensku og bókmenntum og lauk einnig kennararéttindum frá Kennaraháskóla Íslands. Jón Ragnar hefur starfað hjá Sjóvá síðustu sextán árin, síðustu sjö árin sem viðskiptastjóri á fyrirtækjamarkaði. Áður hefur Jón Ragnar starfað sem grunnskólakennari, í ferðaþjónustu sem leiðsögumaður, hjá lögreglunni í Hafnarfirði og hjá Slökkviliði Reykjavíkur. Jón Ragnar er giftur Huldu Sólveigu Jóhannsdóttur og eiga þau þrjú börn á aldrinum 11 – 17 ára.  Hann kemur til starfa til VÍS 1. ágúst nk.