Fylgist betur með fjármálamarkaði Kristinn Ingi Jónsson skrifar 24. júní 2017 06:00 Sendinefnd Alþjóðagjaldeyrissjóðsins sótti Ísland heim fyrr á árinu og fundaði með fulltrúum stjórnvalda og viðskiptalífsins. Ashok Bhatia, fyrir miðju, er formaður nefndarinnar. vísir/gva Miklu máli skiptir að íslensk stjórnvöld herði eftirlit með fjármálamarkaðinum, veiti eftirlitsstofnunum öflugar valdheimildir og efli sjálfstæði þeirra, að mati sendinefndar Alþjóðagjaldeyrissjóðsins (AGS). Kaup bandarískra vogunarsjóða á nær þriðjungshlut í Arion banka verði prófsteinn á Fjármálaeftirlitið er það leggur mat á hvort þeir séu hæfir til þess að fara með virkan eignarhlut í bankanum. Í nýrri skýrslu sendinefndarinnar segir að hætta felist í því að gefa flæði fjármagns frjálst án þess að herða um leið eftirlit með fjármálamarkaðinum. Hvetur nefndin ríkisstjórnina til að stíga strax stór skref í þá átt að styrkja alla eftirlitsstarfsemi sem og regluverk. Nefndin segir afnám gjaldeyrishafta leiða til gjörbreytts fjármálaumhverfis og vísar sérstaklega til kaupendanna í Arion. Nái þeir völdum í bankanum gætu þeir „sóst af hörku eftir háum arðgreiðslum, sölu eigna og endurskipulagningu“ á rekstri bankans. Í skýrslunni nefnir nefndin auk þess að aukin samkeppni um innstæður muni hækka fjármagnskostnað í bankakerfinu og stuðla þannig að meiri áhættusækni. Og eftir því sem samkeppnin á bankamarkaði harðnar telur sendinefnd AGS þeim mun nauðsynlegra að tryggja að íslensku bankarnir verði í höndum traustra og hæfra eigenda. Beinir nefndin þeim tilmælum til stjórnvalda að einkavæða ekki ríkisbankana tvo, Íslandsbanka og Landsbankann, í of miklum flýti, heldur að sýna þolinmæði og finna íhaldssama kaupendur, með gott orðspor, sem eru reiðubúnir til þess að fjárfesta á Íslandi til langs tíma. „Í öllum tilvikum ættu gæði nýrra eigenda að ganga fyrir hraða viðskiptanna eða verði,“ segir í skýrslu nefndarinnar. Eins og áður segir leggur sendinefndin mikla áherslu á að eftirlit með fjármálamarkaðinum verði hert. Eftirlitsstofnanir líkt og Fjármálaeftirlitið þurfi að vera í stakk búnar til þess að draga úr áhættu í fjármálakerfinu eftir því sem flæði fjármagns til og frá landinu eykst. Sendinefndin vekur sérstaka athygli á „tveggja turna“ lausninni sem felst í því að sameina regluverk og eftirlit með bönkum innan Seðlabanka Íslands og fela Fjármálaeftirlitinu þess í stað að fylgjast með öðrum smærri fjármálafyrirtækjum. Telur sendinefndin það ýmsum vandkvæðum bundið að láta eina stofnun annast eftirlit með eiginfjárstöðu banka en aðra með lausafjárstöðu þeirra, líkt og í núverandi fyrirkomulagi. Augljós tækifæri séu til hagræðingar, sér í lagi í eins fámennu landi og Íslandi. Birtist í Fréttablaðinu Mest lesið Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur „Sársaukafullt að sjá“ IKEA vasa dýrari í Góða hirðinum Neytendur Bjór, bingó og bíó í Vinabæ á ný Viðskipti innlent Húsnæði B5 auglýst til leigu enn og aftur Viðskipti innlent Minnir á flotta tannlæknastofu Samstarf Ekki lengur hægt að sjá hvað aðrir „læka“ Viðskipti erlent Fleiri fréttir Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Sjá meira
Miklu máli skiptir að íslensk stjórnvöld herði eftirlit með fjármálamarkaðinum, veiti eftirlitsstofnunum öflugar valdheimildir og efli sjálfstæði þeirra, að mati sendinefndar Alþjóðagjaldeyrissjóðsins (AGS). Kaup bandarískra vogunarsjóða á nær þriðjungshlut í Arion banka verði prófsteinn á Fjármálaeftirlitið er það leggur mat á hvort þeir séu hæfir til þess að fara með virkan eignarhlut í bankanum. Í nýrri skýrslu sendinefndarinnar segir að hætta felist í því að gefa flæði fjármagns frjálst án þess að herða um leið eftirlit með fjármálamarkaðinum. Hvetur nefndin ríkisstjórnina til að stíga strax stór skref í þá átt að styrkja alla eftirlitsstarfsemi sem og regluverk. Nefndin segir afnám gjaldeyrishafta leiða til gjörbreytts fjármálaumhverfis og vísar sérstaklega til kaupendanna í Arion. Nái þeir völdum í bankanum gætu þeir „sóst af hörku eftir háum arðgreiðslum, sölu eigna og endurskipulagningu“ á rekstri bankans. Í skýrslunni nefnir nefndin auk þess að aukin samkeppni um innstæður muni hækka fjármagnskostnað í bankakerfinu og stuðla þannig að meiri áhættusækni. Og eftir því sem samkeppnin á bankamarkaði harðnar telur sendinefnd AGS þeim mun nauðsynlegra að tryggja að íslensku bankarnir verði í höndum traustra og hæfra eigenda. Beinir nefndin þeim tilmælum til stjórnvalda að einkavæða ekki ríkisbankana tvo, Íslandsbanka og Landsbankann, í of miklum flýti, heldur að sýna þolinmæði og finna íhaldssama kaupendur, með gott orðspor, sem eru reiðubúnir til þess að fjárfesta á Íslandi til langs tíma. „Í öllum tilvikum ættu gæði nýrra eigenda að ganga fyrir hraða viðskiptanna eða verði,“ segir í skýrslu nefndarinnar. Eins og áður segir leggur sendinefndin mikla áherslu á að eftirlit með fjármálamarkaðinum verði hert. Eftirlitsstofnanir líkt og Fjármálaeftirlitið þurfi að vera í stakk búnar til þess að draga úr áhættu í fjármálakerfinu eftir því sem flæði fjármagns til og frá landinu eykst. Sendinefndin vekur sérstaka athygli á „tveggja turna“ lausninni sem felst í því að sameina regluverk og eftirlit með bönkum innan Seðlabanka Íslands og fela Fjármálaeftirlitinu þess í stað að fylgjast með öðrum smærri fjármálafyrirtækjum. Telur sendinefndin það ýmsum vandkvæðum bundið að láta eina stofnun annast eftirlit með eiginfjárstöðu banka en aðra með lausafjárstöðu þeirra, líkt og í núverandi fyrirkomulagi. Augljós tækifæri séu til hagræðingar, sér í lagi í eins fámennu landi og Íslandi.
Birtist í Fréttablaðinu Mest lesið Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur „Sársaukafullt að sjá“ IKEA vasa dýrari í Góða hirðinum Neytendur Bjór, bingó og bíó í Vinabæ á ný Viðskipti innlent Húsnæði B5 auglýst til leigu enn og aftur Viðskipti innlent Minnir á flotta tannlæknastofu Samstarf Ekki lengur hægt að sjá hvað aðrir „læka“ Viðskipti erlent Fleiri fréttir Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Sjá meira