Innlent

WOW air fjarlægir auglýsingu fyrirtækisins sem sýnir Hafþór Júlíus

Erna Agnes Sigurgeirsdóttir skrifar
Auglýsingin sýnir Hafþór halda á tveimur flugfreyjum sem sitja í flugsætum frá WOW air.
Auglýsingin sýnir Hafþór halda á tveimur flugfreyjum sem sitja í flugsætum frá WOW air. Vísir/Vilhelm
Búið er að fjarlægja auglýsingu WOW air í World Class Laugum þar sem mátti sjá Hafþór Júlíus Björnsson halda á tveimur flugfreyjum sem sitja í flugsætum félagsins.

Auglýsing var fjarlægð eftir að ábending barst fyrirtækinu á Twitter þar sem WOW air var hvatt til að taka við keflinu eftir umfjöllun Fréttablaðsins um fortíð Hafþórs á laugardaginn. WOW air þakkaði fyrir ábendinguna og hefur brugðist skjótt við því stuttu seinna var auglýsingin farin.

Í umfjölluninni var rætt við fyrrverandi kærustu Hafþórs og barnsmóður, Thelmu Björk Steinmann, sem lýsti upplifun sinni af framkomu Hafþórs á meðan á sambandi þeirra stóð.



Ekki náðist í Svönu Friðriksdóttur, upplýsingafulltrúa WOW air, við gerð þessarar fréttar.


Tengdar fréttir

Hafþór Júlíus kveðst ekki hafa beitt neinar konur ofbeldi

Hafþór Júlíus Björnsson, einnig þekktur sem Fjallið hefur birt færslu á Facebook þar sem hann bregst við viðtali við barnsmóður hans, Thelmu Björk Steimann, sem birtist í Fréttablaðinu og Vísi í morgun.

Mest lesið


Fleiri fréttir

Sjá meira


×

Mest lesið