Mexíkóskur fjölmiðlamaður gekk óáreittur inn í búningsklefann og stal treyju Tom Brady

Í byrjun febrúar leiddi Tom Brady New England Patriots  til sigurs í leiknum um ofurskálina gegn Atlanta Falcons.

Sigurinn var einhver sá ótrúlegasti í sögu NFL-deildarinnar. Atvik eftir leikinn hefur aftur á móti vakið mikla athygli í fjölmiðlum vestanhafs en treyju Brady var stolið úr búningsklefa Patriots.

Í ljós hefur komið að mexíkóski fjölmiðlamaðurinn Martin Mauricio Ortega náði að ganga óáreittur inn í búningsklefann og taka treyjuna.

Í þættinum The Herd með Colin Cowherd var farið yfir málið í smáatriðum og var þar búið að klippa saman athafnir Ortega í smáatriðum.

Um er að ræða 46 mínútur sem hann hafði og búið að er klippa saman þann tíma niður í tæplega þrjár mínútur en Ortega gerir þetta glæsilega eins og sjá má hér að neðan.

EXCLUSIVE: Minute-by-minute look at how the alleged culprit in Tom Brady's jersey theft spent his night at the Super Bowl

via @JayGlazer pic.twitter.com/FxONp8RceU

— Herd w/Colin Cowherd (@TheHerd) March 21, 2017