Húsnæðisvandi og vanræksla í viðhaldi bygginga Landspítalans er þjóðarskömm. Velgengni í efnahagsmálum þjóðarinnar er hins vegar mikið ánægjuefni.
Framkvæmdastjóri Samtaka Atvinnulífsins segir í Fréttablaðinu 15. mars sl.: „Efnahagslífið hefur notið mikillar velgengni á undanförnum árum. Verðmætasköpun atvinnulífsins og lífskjör landsmanna eru betri en nokkru sinni. Mikill vöxtur útflutningstekna þjóðarbúsins og afgangur í viðskiptum við útlönd eru rót velgengninnar. Afgangurinn hefur nýst til grynnkunar erlendra skulda. Hagvöxtur er heilbrigður því hann stafar af auknum útflutningi og vaxandi einkaneyslu sem byggir á kaupmætti heimilanna, en ekki söfnun skulda eins og oftast áður“.
Undir þetta má taka og jafnframt benda á að nú er lag til snúa við áratuga neikvæðri þróun í húsnæðismálum Landspítalans. Hringbrautarverkefnið, áætlanir um nýjan meðferðarkjarna og rannsóknarhús árið 2023 marka tímamót í heilbrigðisþjónustu landsins. Verkefnið er í höndum opinbers félags, til þess stofnað sérstaklega að reisa umræddar byggingar. Allt annað viðhald og endurnýjun núverandi húsnæðis kemur af rekstrarfé Landspítalans sjálfs og verður svo áfram.
Nú er áætlað að starfsemi verði jafnframt í miklum hluta núverandi bygginga við Hringbraut eftir árið 2023, s.s. fæðingar- og geðdeild og öll göngu- og dagdeildarstarfsemi. Útlit er fyrir að ekki verði heldur komist hjá því að halda einnig áfram starfsemi í Fossvogi þó í breyttri mynd sé. Þetta kallar á ábyrgð stjórnvalda og stuðning aðila vinnumarkaðarins og alls almennings til að tryggja nægjanlegt fjármagn til viðhalds núverandi húsnæði.
Nýjustu fregnir af því að 40 ára gömul rannsóknarhús sem reist voru til bráðabirgða séu ónýt og starfsumhverfi þeirra sem þar starfa heilsuspillandi sýna vandann í hnotskurn, en kom ekki á óvart. Nú þarf að bregðast við og taka má undir með framkvæmdastjóra SA, - sjaldan hefur árað betur. Við sem störfum á Landspítala væntum þess að góðærið verði notað til átaks í viðhaldsframkvæmdum og að þjóðin í samtakamætti afmái þennan smánarblett sem ástand bygginga Landspítalans er.
Greinin birtist fyrst í Fréttablaðinu.

Húsnæði Landspítala - þjóðarskömm
Skoðun

Fáum peningana aftur heim, skattaða í drasl!
Kristinn Karl Brynjarsson skrifar

Þegar áróðursaðferðir einræðisherra og öfgamanna gilda
Ole Anton Bieltvedt skrifar

Fiskveiðiauðlindin okkar
Oddný G. Harðardóttir skrifar

Leggjum niður hugvísindi!
Geir Sigurðsson skrifar

Leikskóli eða gæsla, hvað vilja foreldrar?
Valborg Hlín Guðlaugsdóttir skrifar

Það skiptir máli hver stjórnar
Arndís Anna Kristínardóttir Gunnarsdóttir skrifar

Aðhald í þágu almennings
Jóhann Páll Jóhannsson skrifar

Fáum peningana aftur heim
Ásthildur Lóa Þórsdóttir,Ragnar Þór Ingólfsson skrifar

Þú ert það sem þú upplifir: Opið bréf til lubbamenna og lúðulaka í Múlaþingi
Birgir Dýrfjörð skrifar

Versnandi staða fámennari ríkja ESB
Hjörtur J. Guðmundsson skrifar

Ónýtt húsnæðiskerfi og heimilisleysi
Trausti Breiðfjörð Magnússon skrifar

Hvers vegna á að loka pósthúsinu í Mjódd?
Þórhildur Ólöf Helgadóttir skrifar

Að taka ekki næsta skref
Eyrún B. Valsdóttir skrifar

Gefum íslensku séns!
Ólafur Guðsteinn Kristjánsson skrifar

Látum þau bara borga brúsann
Þórarinn Eyfjörð skrifar