Lentu geimflaug eftir spennuþrungið geimskot

Fyrirtækið SpaceX skaut nú í kvöld tíu gervihnöttum á braut um jörðina. Geimflaugin sem flutti gervihnettina lenti svo aftur á bát við strendur Kaliforníu. Þetta var fyrsta geimskot SpaceX frá því að geimflaug þeirra sprakk á skotpallinum fyrir rúmum fjórum mánuðum. Því lá mikið undir að geimskotið í dag heppnaðist vel.

Þetta er í sjöunda sinn sem SpaceX tekst að lenda geimflaug aftur á jörðinni. Með því að endurnýta geimflaugar dregur fyrirtækið verulega úr kostnaði við geimskot.

Að þessu sinni var Falcon 9 geimflaug notuð til að ferja tíu fjarskiptagervihnetti á sporbraut fyrir fyrirtækið Iridium. Til stendur að koma tugum slíkra gervihnatta á sporbraut á næstu árum.

First stage has landed on Just Read the Instructions pic.twitter.com/W0EoLaO4YR

— SpaceX (@SpaceX) January 14, 2017

Hér má fylgjast með því hvernig gervihnöttunum er komið á sporbraut um jörðina.