Rýmdu aðallestarstöðina í Brussel

Búið er að rýma Brussel-Centraal, eina af aðallestarstöðvunum í belgísku höfuðborginni Brussel, eftir að fréttir bárust þaðan um minni háttar sprengingu.

Belgískir fjölmiðlar segja að maður með sprengibelti hafi verið á lestarstöðinni en talsmaður lögregla segir að ekki stafi hætta af honum lengur.

Aðaltorg borgarinnar, Grand Place, var einnig rýmt.

Alls létust 32 í hryðjuverkaárásum í borginni í mars 2016 og hefur lögregla verið með mikill viðbúnað í borginni síðan.

Uppfært 20:45:

Saksóknarar í Brussel segja að ekkert bendi til að einhver hafi særst eða látið lífið í atvikinu sem átti sér stað á lestarstöðinni. Einn maður var skotinn af öryggislögreglu eftir að lítil sprenging varð á stöðinni. Ekki liggur fyrir um ástand mannsins sem var skotinn.

Uppfært 21:28:

Saksóknarar í Brussel segja að um hafi verið að ræða tilraun til hryðjuverkaárásar.