Umfjöllun og viðtöl: Snæfell - KR 67-87 | KR-ingar orðnir deildarmeistarar Arnór Óskarsson í Stykkishólmi skrifar 5. mars 2017 20:45 KR-ingar eru búnir að vinna deildina. Vísir/Vilhelm KR-ingar tryggðu sér deildarmeistaratitil Domino’s-deildarinnar eftir öruggan 67-87 sigur á Snæfelli í Stykkishólmi í kvöld. Leikurinn í kvöld var síðasti leikur Snæfells í úrvalsdeild á heimavelli en liðið kemur til með að spila í 1. Deild á komandi tímabili. Stuðningsfólk Snæfells virtist mjög meðvitað um þessa staðreynd og fagnaði vel í hvert skipti er skorað var. KR-ingar eru aftur á móti orðnir deildarmeistarar og stefnir eflaust í mikil fagnaðarlæti í Vesturbænum í tilefni þess. Í kvöld voru það þó heimamenn sem byrjuðu leikin betur. Sveinn Arnar Davíðsson skoraði fyrstu stigin en um var að ræða þrist langt fyrir utan þriggja stiga línuna. Það virtist hafa gífurlega jákvæð áhrif á bæði samherjana og áhorfendur en Árni Elmar Hrafnson og Andrée Fares Michaelsson skoruðu í kjölfar tvo þrista og var botnlið deildarinnar þar með komið með átta stiga forystu á ríkjandi Bikarmeistara. Snæfellingar virtust ætla sér stóra hluti en KR-ingar tóku þessu öllu saman með stóískri ró og héldu áfram að stilla upp sinn sóknarleik og fóru jafnframt í auknum mæli að stjórna hraða leiksins. Eftir um það bil sex mínútna leik skipti KR bersýnilega um gír og snéri leiknum á örskotsstund sér í hag. Allt þetta virtist mjög áreynslulaust hjá KR-ingum en heimamenn þurftu aftur á móti að hafa mikið fyrir öllu í bæði sóknar- og varnarleik. Í seinni hálfleik var ljóst að KR-ingar kæmu til með að landa öruggan sigur og var ekkert sem benti til þess að Snæfell kæmi til með að breyta því. Af hverju vann KR? KR-ingar eru óneitanlega með feikilega breiðan og fjölhæfan leikmannahóp sem á deildarmeistaratitilinn fullkomlega skilið. Leikurinn í kvöld var nánast allan tíman undir öruggri stjórn og höfðu stakar tilraunir heimamanna til að trufla gestina lítil sem engin áhrif á leikskipulag KR-inga. Þrátt fyrir að byrja rólega var nánast aldrei neinn vafi á því hverjir kæmu til með að vinna leikin og hirða tvö stig. Það var ekki síst sjálfstraustið sem skein úr hverju einasta andliti KR-inga sem virkaði mjög sannfærandi.Bestu menn vallarins Philip Alawoya var stigahæstur KR-inga með 26 stig. Hann tók einnig 6 fráköst og reyndist Snæfellingum á heildina litið mjög erfiður. Pavel Ermolinskij var hársbreidd frá því að vera með þrennu en hann skoraði 15 stig, var frákastahæstur í sínu liði með 11 fráköst og gaf 8 stoðsendingar. Alls voru 5 leikmenn hjá KR-ingum með 10 eða fleiri stig í þessum leik og var framlag KR-inga því mun dreifðara en framlag Snæfellinga. Þess ber að geta að KR-ingar spiluðu án tveggja lykilmanna í kvöld. Í liði Snæfellinga var það fyrst og fremst Christian David Covile sem skilaði góðu dagsverkefni. Hann skoraði 26 stig, tók 16 fráköst og gaf 4 stoðsendingar. Skemmtilegar troðslur kveiktu í samherjunum og er óhætt að fullyrða að hann hafi verið Snæfellingum mikilvægur í kvöld. Christian David Covile, Árni Elmar Hrafnson og Andrée Fares Michaelsson skoruðu samtals 49 stig fyrir Snæfell og hefðu þurft meira framlag frá öðrum til að halda í við deildarmeistarana.Tölfræðin sem vakti athygli Í stuttu máli þá voru KR-ingar betri í nánast öllum tölfræðiþáttum leiksins. Jafnt var þó með liðunum í fráköstum.Hvað gekk illa? KR-ingar virtust á köflum eiga erfitt með að hafa gaman af þessum leik. Leikgleði Snæfellinga var töluvert meiri þrátt fyrir greinilega yfirburði mótherjans og fögnuðu heimamenn nánast hverju einasta stigi er var skorað. Snæfellingar áttu hinsvegar í töluverðum erfiðleik með að sætta sig við staka dóma en heimamenn hefðu mátt nýta þá orku sem fór í að mótmæla dómurunum í að bæta leik sinn.Snæfell-KR 67-87 (13-19, 24-28, 13-16, 17-24)Snæfell: Christian David Covile 26/16 fráköst, Andrée Fares Michelsson 13, Árni Elmar Hrafnsson 10/6 fráköst, Sveinn Arnar Davíðsson 6, Viktor Marínó Alexandersson 6/5 fráköst, Geir Elías Úlfur Helgason 4, Jón Páll Gunnarsson 2.KR: Philip Alawoya 26/6 fráköst, Pavel Ermolinskij 15/11 fráköst/8 stoðsendingar, Þórir Guðmundur Þorbjarnarson 14/6 fráköst, Darri Hilmarsson 13/5 fráköst, Vilhjálmur Kári Jensson 10, Sigvaldi Eggertsson 4, Arnór Hermannsson 3/5 fráköst/5 stoðsendingar, Brynjar Þór Björnsson 2.Finnur Freyr Stefánsson, þjálfari KR-inga,Vísir/EyþórFinnur: Leikurinn náði aldrei neinu flugi. Finnur Freyr Stefánsson, þjálfari KR-inga, var að vonum sáttur með að ná í tvö stig í kvöld. Hann hrósaði Snæfell fyrir baráttuna sem þeir hafa sýnt í vetur. „Það er alltaf gaman að koma í Hólminn og það er góður körfubolti hérna. Snæfellingar eru búnir að leysa þetta erfiða verkefni sem þetta tímabil er búið að vera fyrir þá rosalega vel og hefur verið mikill uppgangur í síðustu leikjum þeirra. Þessir strákar eru búnir að leggja sig alla fram og gera sitt besta þó svo að liðið sé ekki sterkt og það vanti reynslu. Þeir geta borið höfuðið hátt því það hefði verið auðvelt að leggjast niður og vorkenna sjálfum sér. Þeir eru búnir að gera þetta af krafti í vetur og það er þeim til hrós og það mun vonandi skila þeim árangri í framtíðinni,” sagði Finnur eftir leikinn. KR-ingar spiluðu án tveggja lykilmanna í kvöld en Sigurður Þorvaldsson var frá vegna meiðsla og Jón Arnór Stefánsson var frá vegna veikinda. Það virtist hafa einhver áhrif á leikskipulag liðsins en gífurleg breidd dugði þó til að landa sannfærandi sigri í kvöld. „Leikurinn náði aldrei neinu flugi. Við erum með menn veika og meidda en komumst þægilega frá þessu,” sagði Finnur. Aðspurður hvort veikindi og meiðsl kæmu til með að hafa áhrif á næsta leik á móti Stjörnunni á fimmtudaginn sagði Finnur: „Ég reikna með að við verðum fullskipaðir á fimmtudaginn, sagði Finnur.Ingi Þór Steinþórsson, þjálfari Snæfells.Vísir/EyþórIngi: Súrt að tapa öllum heimaleikjunum Ingi Þór Steinþórsson, þjálfari Snæfells, sagði það vera súrt að tapa öllum heimaleikjunum í vetur. Þrátt fyrir það telur hann að liðið sitt geti gengið þokkalega stoltir frá borði en um gríðarlega erfitt verkefni hafi verið að ræða. Varðandi leikinn í kvöld hrósaði Ingi Þór skilvirkri spilamennsku KR-inga sem stjórnuðu leiknum þrátt fyrir að vera án tveggja lykilmanna. „KR-liðið er mjög gott og það vantaði toppa í liðið hjá þeim. Þeir eru bæði vel þjálfaðir og með hátt IQ þessir strákar. Þeir spiluðu vörnina mjög vel og héldu okkur mikið fyrir utan. Við náðum ekki að komast nægilega nálagt körfunni,” sagði Ingi í lok leiksins. „Við ætluðum ekki að sækja fyrir utan og það vantaði svolítið jafnvægi í þetta hjá okkur. Leikurinn okkar nær körfunni var ekki sterkur í dag. En við ætlum okkur að gera betur,“ sagði Ingi. Síðast en ekki síst þakkaði Ingi Þór áhorfendum fyrir stuðninginn í vetur og bætti við: „Ég vonast að [stuðningurinn] verði þrefalt, ef ekki fjórfalt öflugri þegar liðið mun spila í fyrstu deild og að allir flykkja sig á bakvið þessa ungu stráka sem eiga eftir að vera fulltrúar Snæfells í framtíðinni. Það er fullt af strákum hérna sem geta spilað og eiga mikið inni. Með vinnusemi og elju geta þeir orðið framtíðar leikmenn fyrir Snæfell eða einhver önnur lið,“ sagði Ingi Þór að lokum. Dominos-deild karla Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Mitchell skaut Cleveland í undanúrslit Austursins Körfubolti Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti „Ólíkir okkur að mörgu leyti“ Íslenski boltinn Fleiri fréttir Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Báðir þjálfarar Skallagrímsliðsins hætta Kastaði bolta í áhorfanda eftir tap Geta unnið fjóra í röð í fyrsta sinn í heilan áratug Jaka áfram í Keflavík næstu þrjú árin „Of mörg tilfelli sem hafa komið upp“ Knicks og Pacers hefja nýtt einvígi á mánudag Eigendur 76ers gefa miða svo Knicks aðdáendur taki ekki aftur yfir „Vörnin í dag, það er það sem vann þetta“ „Virkilega léleg frammistaða heilt á litið“ Sjá meira
KR-ingar tryggðu sér deildarmeistaratitil Domino’s-deildarinnar eftir öruggan 67-87 sigur á Snæfelli í Stykkishólmi í kvöld. Leikurinn í kvöld var síðasti leikur Snæfells í úrvalsdeild á heimavelli en liðið kemur til með að spila í 1. Deild á komandi tímabili. Stuðningsfólk Snæfells virtist mjög meðvitað um þessa staðreynd og fagnaði vel í hvert skipti er skorað var. KR-ingar eru aftur á móti orðnir deildarmeistarar og stefnir eflaust í mikil fagnaðarlæti í Vesturbænum í tilefni þess. Í kvöld voru það þó heimamenn sem byrjuðu leikin betur. Sveinn Arnar Davíðsson skoraði fyrstu stigin en um var að ræða þrist langt fyrir utan þriggja stiga línuna. Það virtist hafa gífurlega jákvæð áhrif á bæði samherjana og áhorfendur en Árni Elmar Hrafnson og Andrée Fares Michaelsson skoruðu í kjölfar tvo þrista og var botnlið deildarinnar þar með komið með átta stiga forystu á ríkjandi Bikarmeistara. Snæfellingar virtust ætla sér stóra hluti en KR-ingar tóku þessu öllu saman með stóískri ró og héldu áfram að stilla upp sinn sóknarleik og fóru jafnframt í auknum mæli að stjórna hraða leiksins. Eftir um það bil sex mínútna leik skipti KR bersýnilega um gír og snéri leiknum á örskotsstund sér í hag. Allt þetta virtist mjög áreynslulaust hjá KR-ingum en heimamenn þurftu aftur á móti að hafa mikið fyrir öllu í bæði sóknar- og varnarleik. Í seinni hálfleik var ljóst að KR-ingar kæmu til með að landa öruggan sigur og var ekkert sem benti til þess að Snæfell kæmi til með að breyta því. Af hverju vann KR? KR-ingar eru óneitanlega með feikilega breiðan og fjölhæfan leikmannahóp sem á deildarmeistaratitilinn fullkomlega skilið. Leikurinn í kvöld var nánast allan tíman undir öruggri stjórn og höfðu stakar tilraunir heimamanna til að trufla gestina lítil sem engin áhrif á leikskipulag KR-inga. Þrátt fyrir að byrja rólega var nánast aldrei neinn vafi á því hverjir kæmu til með að vinna leikin og hirða tvö stig. Það var ekki síst sjálfstraustið sem skein úr hverju einasta andliti KR-inga sem virkaði mjög sannfærandi.Bestu menn vallarins Philip Alawoya var stigahæstur KR-inga með 26 stig. Hann tók einnig 6 fráköst og reyndist Snæfellingum á heildina litið mjög erfiður. Pavel Ermolinskij var hársbreidd frá því að vera með þrennu en hann skoraði 15 stig, var frákastahæstur í sínu liði með 11 fráköst og gaf 8 stoðsendingar. Alls voru 5 leikmenn hjá KR-ingum með 10 eða fleiri stig í þessum leik og var framlag KR-inga því mun dreifðara en framlag Snæfellinga. Þess ber að geta að KR-ingar spiluðu án tveggja lykilmanna í kvöld. Í liði Snæfellinga var það fyrst og fremst Christian David Covile sem skilaði góðu dagsverkefni. Hann skoraði 26 stig, tók 16 fráköst og gaf 4 stoðsendingar. Skemmtilegar troðslur kveiktu í samherjunum og er óhætt að fullyrða að hann hafi verið Snæfellingum mikilvægur í kvöld. Christian David Covile, Árni Elmar Hrafnson og Andrée Fares Michaelsson skoruðu samtals 49 stig fyrir Snæfell og hefðu þurft meira framlag frá öðrum til að halda í við deildarmeistarana.Tölfræðin sem vakti athygli Í stuttu máli þá voru KR-ingar betri í nánast öllum tölfræðiþáttum leiksins. Jafnt var þó með liðunum í fráköstum.Hvað gekk illa? KR-ingar virtust á köflum eiga erfitt með að hafa gaman af þessum leik. Leikgleði Snæfellinga var töluvert meiri þrátt fyrir greinilega yfirburði mótherjans og fögnuðu heimamenn nánast hverju einasta stigi er var skorað. Snæfellingar áttu hinsvegar í töluverðum erfiðleik með að sætta sig við staka dóma en heimamenn hefðu mátt nýta þá orku sem fór í að mótmæla dómurunum í að bæta leik sinn.Snæfell-KR 67-87 (13-19, 24-28, 13-16, 17-24)Snæfell: Christian David Covile 26/16 fráköst, Andrée Fares Michelsson 13, Árni Elmar Hrafnsson 10/6 fráköst, Sveinn Arnar Davíðsson 6, Viktor Marínó Alexandersson 6/5 fráköst, Geir Elías Úlfur Helgason 4, Jón Páll Gunnarsson 2.KR: Philip Alawoya 26/6 fráköst, Pavel Ermolinskij 15/11 fráköst/8 stoðsendingar, Þórir Guðmundur Þorbjarnarson 14/6 fráköst, Darri Hilmarsson 13/5 fráköst, Vilhjálmur Kári Jensson 10, Sigvaldi Eggertsson 4, Arnór Hermannsson 3/5 fráköst/5 stoðsendingar, Brynjar Þór Björnsson 2.Finnur Freyr Stefánsson, þjálfari KR-inga,Vísir/EyþórFinnur: Leikurinn náði aldrei neinu flugi. Finnur Freyr Stefánsson, þjálfari KR-inga, var að vonum sáttur með að ná í tvö stig í kvöld. Hann hrósaði Snæfell fyrir baráttuna sem þeir hafa sýnt í vetur. „Það er alltaf gaman að koma í Hólminn og það er góður körfubolti hérna. Snæfellingar eru búnir að leysa þetta erfiða verkefni sem þetta tímabil er búið að vera fyrir þá rosalega vel og hefur verið mikill uppgangur í síðustu leikjum þeirra. Þessir strákar eru búnir að leggja sig alla fram og gera sitt besta þó svo að liðið sé ekki sterkt og það vanti reynslu. Þeir geta borið höfuðið hátt því það hefði verið auðvelt að leggjast niður og vorkenna sjálfum sér. Þeir eru búnir að gera þetta af krafti í vetur og það er þeim til hrós og það mun vonandi skila þeim árangri í framtíðinni,” sagði Finnur eftir leikinn. KR-ingar spiluðu án tveggja lykilmanna í kvöld en Sigurður Þorvaldsson var frá vegna meiðsla og Jón Arnór Stefánsson var frá vegna veikinda. Það virtist hafa einhver áhrif á leikskipulag liðsins en gífurleg breidd dugði þó til að landa sannfærandi sigri í kvöld. „Leikurinn náði aldrei neinu flugi. Við erum með menn veika og meidda en komumst þægilega frá þessu,” sagði Finnur. Aðspurður hvort veikindi og meiðsl kæmu til með að hafa áhrif á næsta leik á móti Stjörnunni á fimmtudaginn sagði Finnur: „Ég reikna með að við verðum fullskipaðir á fimmtudaginn, sagði Finnur.Ingi Þór Steinþórsson, þjálfari Snæfells.Vísir/EyþórIngi: Súrt að tapa öllum heimaleikjunum Ingi Þór Steinþórsson, þjálfari Snæfells, sagði það vera súrt að tapa öllum heimaleikjunum í vetur. Þrátt fyrir það telur hann að liðið sitt geti gengið þokkalega stoltir frá borði en um gríðarlega erfitt verkefni hafi verið að ræða. Varðandi leikinn í kvöld hrósaði Ingi Þór skilvirkri spilamennsku KR-inga sem stjórnuðu leiknum þrátt fyrir að vera án tveggja lykilmanna. „KR-liðið er mjög gott og það vantaði toppa í liðið hjá þeim. Þeir eru bæði vel þjálfaðir og með hátt IQ þessir strákar. Þeir spiluðu vörnina mjög vel og héldu okkur mikið fyrir utan. Við náðum ekki að komast nægilega nálagt körfunni,” sagði Ingi í lok leiksins. „Við ætluðum ekki að sækja fyrir utan og það vantaði svolítið jafnvægi í þetta hjá okkur. Leikurinn okkar nær körfunni var ekki sterkur í dag. En við ætlum okkur að gera betur,“ sagði Ingi. Síðast en ekki síst þakkaði Ingi Þór áhorfendum fyrir stuðninginn í vetur og bætti við: „Ég vonast að [stuðningurinn] verði þrefalt, ef ekki fjórfalt öflugri þegar liðið mun spila í fyrstu deild og að allir flykkja sig á bakvið þessa ungu stráka sem eiga eftir að vera fulltrúar Snæfells í framtíðinni. Það er fullt af strákum hérna sem geta spilað og eiga mikið inni. Með vinnusemi og elju geta þeir orðið framtíðar leikmenn fyrir Snæfell eða einhver önnur lið,“ sagði Ingi Þór að lokum.
Dominos-deild karla Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Mitchell skaut Cleveland í undanúrslit Austursins Körfubolti Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti „Ólíkir okkur að mörgu leyti“ Íslenski boltinn Fleiri fréttir Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Báðir þjálfarar Skallagrímsliðsins hætta Kastaði bolta í áhorfanda eftir tap Geta unnið fjóra í röð í fyrsta sinn í heilan áratug Jaka áfram í Keflavík næstu þrjú árin „Of mörg tilfelli sem hafa komið upp“ Knicks og Pacers hefja nýtt einvígi á mánudag Eigendur 76ers gefa miða svo Knicks aðdáendur taki ekki aftur yfir „Vörnin í dag, það er það sem vann þetta“ „Virkilega léleg frammistaða heilt á litið“ Sjá meira