Nóvemberspá Siggu Kling – Nautið: Þér er gefið að gjöf svo mikið innsæi

Elsku Nautið mitt. Ég er svo dásamlega fegin því að geta sagt það að allt sé að verða svo dásamlegt hjá þér. Því þegar ég skrifa þetta beini ég líka þessum orðum til mín. Ég á það stundum til að senda þér svolítið erfiða spá því ég er að segja þetta til mín.

Ég les stjörnuspána mína alltaf þegar hún kemur út og verð alltaf jafn hissa. Ég finn svo jákvæða strauma vera á leiðinni, það er eitthvað svo dásamleg orka að streyma til þín. Þetta tengist bæði ástinni, fjölskyldunni og starfsframanum. Hversu mikið er það? Ef eitthvað er að hrella þig, þá eru það erfiðleikar hjá öðrum, ekki bera þá með þér ef þú getur ekki breytt þeim. Þér er gefið að gjöf svo mikið innsæi og þar af leiðandi finnur þú oft á þér hvað er að fara að gerast.

Ef þú fókusar og hlustar betur á þessa rödd, þá hjálpar þér það að leysa þessar lífsgátur sem eru lagðar fyrir alla. Þótt þú sért jarðbundið, þá hefur þú mikinn kraft og það er bara jákvætt afl að vera jarðbundinn, þótt þú virðist vera dáldið stíft, þá hefur þú hjarta úr gulli og þegar þú elskar, þá elskar þú of mikið, ef það er hægt. Það mun koma þér á óvart hvað þú getur verið ástfangið og núna er rétti tíminn til þess. Ekki líta til baka þótt það verði einhverjir smá hnökrar á ástinni, þú átt það til að vantreysta í þeim málum. Nú áttu að segja, ég treysti á ástina.

Þar sem þú elskar af öllu hjarta þá tekur það þig aðeins lengur að græða hjartasár heldur en flest önnur merki. Það er að koma inn í líf þitt mikil heppni og það er jafnvel þannig að ég geti sagt að það er komin mikil heppni. Ótrúlegustu hlutir sem þú hélst að gætu ekki gerst eru annaðhvort búnir að gerast eða eru að opnast fyrir þig.

Það er mjög erfitt fyrir þig ef þú þarft að flytja. Allir flutningar raska svo ró nautmerkisins og það er yfirleitt það merki sem býr lengst á sama stað. Það má líkja þér við eikartré. Til þess að þessi orka komi til þín, þarftu svolítið að vita hvað þú vilt.

Hjá sumum ykkar hefur verið stöðnun og ef ég er að tala við þig er það út af því að þú veist ekki hvað þú vilt. Annars er mikill hraði í lífinu í kringum þig. Og lífið gengur miklu betur og auðveldar upp heldur en nokkur tíma fyrr. Ég veit að þetta er dásamleg spá fyrir Nautið. Sem er náttúrulega orkumerki vorsins. En þessi vetur mun leggjast vel í þig og þú átt að vera hamingjusamt.



Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur, Davíð Bjarni hnefaleikamaður og snapchat stjarna, Friðbjörn Júrópartakóngur.